Trwyddedau Alcohol ac Adloniant

Mae'r adran hon yn cynnwys gwybodaeth sy'n gysylltiedig â thrwyddedu safleoedd ac unigolion sy'n gwerthu neu'n cyflenwi alcohol, yn darparu adloniant i'r cyhoedd, gan gynnwys dramâu, ffilmiau, cerddoriaeth fyw a cherddoriaeth wedi'i recordio, cyfleusterau ar gyfer dawnsio a pherfformio dawns, lluniaeth yn hwyr yn y nos, ac yn cynnal digwyddiadau chwaraeon dan do.

**

Polisi Deddf Trwyddedu 2003

Mae Deddf Trwyddedu 2003 yn ei gwneud yn ofynnol i awdurdod trwyddedu baratoi datganiad o'i bolisi trwyddedu a’i gyhoeddi o leiaf bob pum mlynedd.  Daeth y polisi presennol i rym ar 1 Tachwedd 2020 ac mae'n ofynnol nawr i'r polisi gael ei adolygu, a chymeradwyo polisi newydd erbyn 1 Tachwedd 2025 fan bellaf.  Mae'r polisi yn nodi sut mae'r awdurdod yn ati i reoleiddio busnesau perthnasol, sut y dylai busnesau weithredu, ac mae’n dweud sut mae'r awdurdod yn cyflawni ei ddyletswyddau statudol.  Darperir cyngor hefyd mewn perthynas â cheisiadau.

Mae Cyngor Bwrdeistref Sirol Torfaen bellach wrthi’n adolygu Datganiad o’i Bolisi Trwyddedu cyfredol, a chyhoeddwyd fersiwn ddrafft ddiwygiedig.  Os hoffech wneud unrhyw sylwadau am y polisi drafft diwygiedig, gallwch wneud hynny yn ysgrifenedig drwy anfon e-bost i licensing@torfaen.gov.uk neu  ‘Trwyddedu’, CBST, Y Ganolfan Ddinesig, Pont-y-pŵl NP4 6YB.  Rhaid derbyn pob sylw erbyn 4pm ddydd Gwener 05 Medi 2025 fan bellaf.

Bydd yr holl sylwadau a dderbynnir yn cael eu hystyried cyn cymeradwyo’r fersiwn derfynol.  

Oriau Agor y Swyddfa

Ar hyn o bryd mae gennym system apwyntiadau i bobl sydd am alw heibio’n bersonol. Rhaid anfon ceisiadau a dogfennau ategol drwy e-bost at licensing@torfaen.gov.uk lle bo hynny’n bosibl. Os nad yw hyn yn bosibl, a fyddech cystal â chysylltu â’r tîm naill ai drwy e-bost neu dros y ffôn, ar 01633 647286 a gellir trefnu apwyntiad.  

Isafbris Unedau Alcohol

Ar 2 Mawrth 2020 daeth Deddf Iechyd y Cyhoedd (Isafbris am Alcohol) (Cymru) 2018 i rym.

Mae Llywodraeth Cymru wedi cyflwyno’r ddeddfwriaeth i geisio lleihau nifer y salwch a marwolaethau sy’n gysylltiedig ag alcohol yng Nghymru.

Mae'r gyfraith newydd yn golygu bod yn rhaid i fanwerthwyr nawr godi isafbris o 50c yr uned am ddiodydd alcoholig, yn seiliedig ar faint o alcohol sydd yn y cynnyrch. Mae hyn yn berthnasol i alcohol a werthi AR y safle ac ODDI AR y safle. Mae gwerthu a manwerthu ar-lein hefyd wedi'u cynnwys yn y gyfraith, felly os ydych chi'n prynu gan fanwerthwr ar-lein efallai y byddan nhw'n gofyn am wirio'ch cod post cyn cadarnhau pris eu cynhyrchion.

Ni ddylai mân-werthwr eich camarwain ar bris. Os oes gennych bryderon bod siop yn codi pris uwch ar y til na'r hyn a ddangosir ar y label, dylech roi gwybod i'r adran Safonau Masnach, trwy ffonio'r llinell cyngor cenedlaethol i ddefnyddwyr ar 03454 040506.

Os oes gennych drwydded i werthu alcohol yn Nhorfaen, yn enwedig mewn siop ddiodydd, yna byddwch yn derbyn ymweliad gan Dîm Safonau Masnach Cyngor Bwrdeistref Sirol Torfaen i roi mwy o wybodaeth i chi ar sut mae'r gyfraith yn effeithio arnoch chi. Os oes gennych unrhyw ymholiadau yn y cyfamser, cysylltwch â trading.standards@torfaen.gov.uk

Fel arall, gallwch ddod o hyd i ragor o wybodaeth, gan gynnwys posteri y gellir eu lawr lwytho a thaflenni gwybodaeth ar wefan Llywodraeth Cymru.

Ecsbloetio Plant yn Rhywiol - Adnabod yr arwyddion

Er mwyn helpu i gadw plant yn ddiogel, mae Heddlu Gwent unwaith eto yn annog aelodau o'r cyhoedd i fod yn wyliadwrus am y math hwn o droseddoldeb, ac i gysylltu â hwy drwy ffonio 101 neu 999 mewn argyfwng gydag unrhyw wybodaeth sydd ganddynt. Er mwyn helpu aelodau o'r cyhoedd adnabod arwyddion o gamfanteisio a cham-drin, mae Heddlu Gwent wedi cyhoeddi tudalen ar y we.

Byddai'n well gan yr Heddlu glywed gan aelodau pryderus o'r cyhoedd sy'n rhoi gwybod am faterion nad ydynt yn golygu camfanteisio'n rhywiol ar blant yn y pen draw, yn hytrach na pheidio cael eu galw o gwbl.

Sigaréts electronig

Yn ddiweddar, rydym wedi cael ymholiadau am ddefnyddio sigaréts electronig mewn safleoedd perthnasol a cherbydau trwyddedig. Dyma'r cyngor/wybodaeth a roddwn ar hyn o bryd:

• Er nad yw'r rhain yn anghyfreithlon, byddai'n anodd profi nad sigaréts go iawn ydyn nhw pe bai swyddog gorfodi sy'n digwydd mynd heibio yn eu gweld nhw
• Nid yw'n cyfleu'r neges gywir i gwsmeriaid a gallai arwain at fynd yn groes i'r ddeddfwriaeth
• Mae tafarndai JD Wetherspoons wedi penderfynu rhoi polisi ar waith yn fewnol i atal defnyddio'r rhain ar eu safleoedd

Byddwn yn parhau i fonitro'r sefyllfa ac yn cyhoeddi gwybodaeth fan yma pan fydd angen.

Cyfeiriad Swyddog Trwyddedu'r Heddlu

Sylwer, dylid anfon unrhyw ohebiaeth sydd angen ei hanfon at Swyddog Trwyddedu'r Heddlu,yn:

Prif Swyddog yr Heddlu
Adran Trwyddedu
Heol Caerffili
Ystrad Mynach
CF82 7EP

Deddf Trwyddedu 2003 

Daeth Deddf Trwyddedu 2003 i rym ar 24 Tachwedd 2005. Ym mis Chwefror 2005, dechreuodd yr Awdurdod Trwyddedu weinyddu'r broses o drosi Trwyddedau Ynadon i'r Trwyddedau Personol a Thrwyddedau Safleoedd newydd. Fe wnaeth hyn effeithio ar bob safle sy'n gwerthu alcohol neu'n darparu lluniaeth yn hwyr yn y nos ac adloniant a reolir. 

Os oes gennych bryderon ynglŷn ag unrhyw rai o'r ceisiadau am drwyddedau dan y ddeddf newydd, efallai y bydd gennych yr hawl i gyflwyno sylwadau neu wrthwynebu ceisiadau. I gael gwybodaeth am sut i wneud hyn, gweler y daflen wybodaeth yn yr adran gyffredinol. 

Mae'r Ddeddf Trwyddedu yn gosod dyletswydd gyfreithiol ar yr Awdurdod Trwyddedu i gyhoeddi Cofrestr Gyhoeddus o geisiadau a'r trwyddedau a ganiatawyd. Gellir gweld y gofrestr drwy ddilyn y ddolen yn yr adran gyffredinol. 

Mae Hysbysiadau Ymgynghori - Deddf Trwyddedu 2003 i'w gweld yma.

Deddf Cerddoriaeth Fyw 2012

Daeth Deddf Cerddoriaeth Fyw 2012 i rym ar 1 Hydref 2012.  Darparwyd crynodeb byr o ddarpariaethau'r Ddeddf er gwybodaeth i chi.

Canllawiau ar gyfer "Digwyddiadau Cymunedol"

Mae'r Gymdeithas Llywodraeth Leol wedi cyhoeddi canllaw i Ddigwyddiadau Cymunedol. Mae'r ddogfen hon ar gyfer Cynghorwyr, ond mae'n berthnasol i bawb sy'n gysylltiedig â threfnu digwyddiadau o'r fath. Mae'n ymdrin ag agweddau o bob math, megis cau strydoedd, trwyddedau, yswiriant ac atebolrwydd cyhoeddus. 

Sylwer - mae gan Gyngor Bwrdeistref Sirol Torfaen (y Cyngor) ddyletswydd i warchod yr arian cyhoeddus a weinyddir ganddo ac, i'r perwyl hwnnw, gall ddefnyddio'r wybodaeth rydych chi'n ei rhoi o fewn Cyngor Bwrdeistref Sirol Torfaen i atal a datgelu twyll. Hefyd, gall y Cyngor rannu'r wybodaeth hon â chyrff eraill sy'n gweinyddu neu'n derbyn arian cyhoeddus at y dibenion hyn yn unig. Am ragor o wybodaeth, gweler tudalen Y Fenter Twyll Genedlaethol ar y wefan hon. 

Diwygiwyd Diwethaf: 18/11/2025 Nôl i’r Brig