Mae'r adran hon yn cynnwys cyngor ar iechyd a diogelwch i fusnesau a chyflogeion, gan wasanaeth Gwasanaethau Masnachol y Cyngor. Mae'n cynnwys cyhoeddiadau a dolenni i offer rhyngweithiol ar- lein
Gall gwefan Gwell Busnes yr Awdurdod Gweithredol Iechyd a Diogelwch helpu busnesau bach i arbed arian trwy wella iechyd a diogelwch.
Gall damweiniau a salwch a achosir gan waith gostio arian ac amser i fusnesau bach.
Lleihau Damweiniau - Arbed Amser ac Arian
Mae rhaglen iechyd a diogelwch dda ar gyfer eich busnes yn sicrhau bod yr elw yr ydych wedi gweithio mor galed i'w ennill yn cael aros yn y banc yn hytrach na chael ei wario ar broblemau'n ymwneud â damweiniau neu salwch. Mae hyn yn golygu mwy o arian i chi.
Mae iechyd a diogelwch da yn y gweithle yn fusnes da. Dysgwch sut ar wefan Gwell Busnes yr Awdurdod Gweithredol Iechyd a Diogelwch:
- 'Da i fusnes' - gostwng costau damweiniau a salwch
- Rhagofalon iechyd a diogelwch hawdd ac effeithiol
- Dechrau arni - camau syml
- Offer i'ch helpu ar eich ffordd - cwis ar lein i brofi eich gwybodaeth
Mae'r llyfryn 'Cyflwyniad i Iechyd a Diogelwch' yn cynnig mwy o wybodaeth fanwl i fusnesau bach. Mae tudalennau gwe 'Gwell Busnes' ar wahân i fusnesau mawr sydd â dros 250 o weithwyr.
Gwefan allanol yw Gwell Busnes ac nid yw Cyngor Bwrdeistref Torfaen yn gyfrifol am ei chynnwys.
Os ydych yn gwneud gwaith adeiladu neu ailwampio, efallai y bydd angen i chi hysbysu'r Awdurdod Gweithredol Iechyd a Diogelwch (HSE), ac efallai y bydd gennych ddyletswyddau eraill hefyd - cewch ragor o wybodaeth yn www.hse.gov.uk (yn agor mewn tab newydd)
Rheoli Heintiau mewn Lleoliadau Blynyddoedd Cynnar
Cafwyd achosion o glefydau heintus mewn meithrinfeydd ar Ynys Môn ac yng Ngwynedd yn 2011. Fe wnaeth yr achosion hyn amlygu nifer o broblemau i bawb oedd yn gysylltiedig â hwy. O ganlyniad, mae swyddogion yr awdurdod lleol wedi bod yn gweithio gydag Arolygaeth Gofal a Gwasanaethau Cymdeithasol Cymru (yn agor mewn tab newydd) (AGGCC) a Thîm Diogelu Iechyd, Iechyd Cyhoeddus Cymru (yn agor mewn tab newydd) i gynnig arweiniad i ddarparwyr gofal plant.
O ganlyniad y fath gydweithio, datblygwyd “Offeryn Archwilio Rheoli Heintiau – Lleoliadau Blynyddoedd Cynnar”. Bydd yr offeryn archwilio yn eich caniatáu i adolygu eich safle, polisïau a gweithdrefnau mewn perthynas â rheoli heintiau, i’ch helpu i sicrhau eich bod yn bodloni’r safonau arfer gorau presennol. Yn ogystal â defnyddio’r Offeryn Archwilio fel rhan o’ch adolygiad blynyddol, efallai y gwelwch y bydd swyddogion eraill o’r awdurdod lleol ac AGGCC yn ei ddefnyddio fel rhan o’u trefn arolygu.
Mae’r cyflwyniad i’r Offeryn Archwilio yn rhoi cyngor ynglŷn â dogfennau sydd yn rhoi arweiniad, ac mae’r dogfennau isod yn cynnwys copi o’r Offeryn Archwilio yn ogystal ag amrywiaeth o ddogfennau a allai fod yn ddefnyddiol o ran rheoli heintiau yn eich lleoliad.
- Offeryn Archwilio Rheoli Heintiau (Lleoliadau Blynyddoedd Cynnar) (yn agor mewn tab newydd)
- Canllawiau Asesiadau Risg Masnachol (yn agor mewn tab newydd)
- Ffurflen Grynodol Asesu Risg Masnachol (yn agor mewn tab newydd)
- Templed Asesu Risg ar gyfer Meithrinfeydd (yn agor mewn tab newydd)
- Holiadur Hunanasesu Iechyd a Diogelwch (Meithrinfeydd) (yn agor mewn tab newydd)
- Pro fforma Cynllun Gweithredu Iechyd a Diogelwch (yn agor mewn tab newydd)
- Matrics Asesu Risg (yn agor mewn tab newydd)
- Atal a Rheoli Heintiau ar gyfer Lleoliadau Gofal Plant (yn agor mewn tab newydd)
- Llyfryn Gweithle Diogelach, Gwell Busnes (yn agor mewn tab newydd)
Mae gan Business Link offeryn ar-lein i helpu busnesau bach gyda chyfraith iechyd a diogelwch.
Gall arfer iechyd a diogelwch da gael effaith gadarnhaol ar eich hawliadau yswiriant ac mae hefyd yn gwella'ch enw da ymhlith cwsmeriaid, y gymuned leol a'ch gweithwyr.
Offeryn Hunanasesu Ar-lein
Diben yr offeryn hunanasesu yw mesur pa mor dda yr ydych yn delio â materion iechyd a diogelwch a bydd:
- yn eich helpu i ddeall i ba raddau yr ydych yn canfod ac yn rheoli peryglon iechyd a diogelwch;
- yn darparu arweiniad wedi ei dargedu ar eich cyfer i'ch helpu i wella'ch dulliau rheoli iechyd a diogelwch; ac
- yn eich galluogi i gymharu'ch perfformiad â busnesau eraill ar draws sectorau ac o wahanol feintiau, a hynny'n ddienw.
Ei ddiben yw helpu i sicrhau bod premiymau Yswiriant Gorfodol Atebolrwydd Cyflogwyr yn adlewyrchu cofnod iechyd a diogelwch busnesau.
Dylai'r dangosydd gymryd tua 15 munud i'w gwblhau.
Mae'n gweithio trwy ofyn cyfres o gwestiynau am y 10 perygl allweddol y mae'r rhan fwyaf o fusnesau bach i ganolig yn eu hwynebu a pha mor aml y mae'r damweiniau neu'r achosion hyn yn digwydd. Mae sgôr allan o 10 yn cael ei gyfrifo i bob un - gyda 10 yn cynrychioli'r canlyniad gorau posibl a 0 yn cynrychioli'r gwaethaf.
Serch hynny, nid yw'n offeryn archwilio cynhwysfawr. Mae'n ddyletswydd gyfreithiol arnoch i ystyried yr ystod gyfan o risgiau y gallai eich gweithwyr eu hwynebu yn y gwaith. Nid yw'n delio â pheryglon arbennig y mae diwydiannau penodol yn eu hwynebu.
Datblygwyd y dangosydd perfformiad gan Business Link, gyda'r Awdurdod Gweithredol Iechyd a Diogelwch, Cymdeithas Yswirwyr Prydain a Chymdeithas Broceriaid Yswiriant Prydain.
Mae ar wefan allanol ac nid yw Cyngor Bwrdeistref Sirol Torfaen yn gyfrifol am ei chynnwys.
Mae'r Sefydliad Iechyd a Diogelwch Galwedigaethol (IOSH) wedi cynhyrchu pecyn cymorth rheoli risg wedi'i lunio'n benodol ar gyfer cwmnïau bach.
Rheoli risg yn effeithiol yw'r ateb i fusnes llwyddiannus.
Ymdrin â Risgiau Busnes
Bydd pecyn cymorth IOSH yn eich helpu i ddechrau cynllunio i ymdrin yn effeithiol ag iechyd a diogelwch, ynghyd ag ystod eang o risgiau busnes eraill
Gall y pecyn cymorth helpu busnesau bach i fynd i'r afael â rheoli risgiau busnes mewn modd hawdd i'r defnyddiwr, gan ddefnyddio offer fel cardiau gwaith, rhestrau gwirio, cardiau gwybodaeth a llyfrau gwaith.
Mae'r holl ddeunyddiau ar gael i'w lawrlwytho'n rhad ac am ddim oddi ar IOSH (yn agor mewn tab newydd) ar ffurf dogfen PDF.
Mae'r Pecyn Cymorth Rheoli Risg ar wefan allanol ac nid yw Cyngor Bwrdeistref Sirol Torfaen yn gyfrifol am ei gynnwys.
Mae gan safestartup.org offeryn ar-lein i helpu busnesau bach â chyfraith iechyd a diogelwch.
Fe'i cynhyrchwyd gan y Sefydliad Iechyd a Diogelwch Galwedigaethol (IOSH) a chaiff ei gefnogi gan yr Awdurdod Gweithredol Iechyd a Diogelwch a'r Gwasanaeth Busnesau Bach.
Ewch ar daith ryngweithiol Safe Start Up ar wefan IOSH, sef canllaw cam wrth gam i'ch helpu i ganfod yr hyn y mae angen i chi ei wneud o ran iechyd a diogelwch, yn seiliedig ar eich math o fusnes a faint o bobl rydych yn eu cyflogi.
Gall Safe Start Up helpu busnesau bach a chwmnïau newydd i gydymffurfio â rheoliadau iechyd, diogelwch ac amgylcheddol.
Mae'r daith ar-lein yn cynnwys:
- cofrestru eich busnes
- llunio polisi iechyd a diogelwch
- yswiriant
- cofnodi damweiniau
- cyfleusterau lles a diogelwch tân
- asesu risg
- arweiniad penodol ar gyfer gwahanol fathau o fusnesau
I weld y daith ryngweithiol gyfan, bydd angen Adobe Flash Player fersiwn 7 arnoch. Mae fersiwn arall hygyrch ar gael hefyd, heb Flash.
Mae Safe Start Up yn wefan allanol ac nid yw Cyngor Bwrdeistref Sirol Torfaen yn gyfrifol am ei chynnwys.
Cafodd pecyn Gweithlu Diogelach, Gwell Busnes ei lunio gan swyddogion Is-grŵp Iechyd a Diogelwch Dyfnaint, mewn partneriaeth â’r Awdurdod Gweithredol Iechyd a Diogelwch.
Ymgynghorwyd â busnesau trwy gydol pecyn Gweithlu Diogelach, Gwell Busnes (yn agor mewn tab newydd) sydd ar gael i'w lawr lwytho. Dyluniwyd y pecyn ar gyfer busnesau bach a maint canolig, fel bwytai, caffis, masnachwyr, gwestai bach, tafarndai, cartrefi gofal a swyddfeydd. Unwaith y caiff ei gwblhau, bydd yn caniatáu busnesau i ganfod y peryglon pennaf yn eu gweithleoedd, cyflwyno mesurau rheoli addas a chael system dogfenni yn ei lle i’w arolygu gan swyddogion gorfodi.
Rhennir y pecyn yn bum adran, fel a ganlyn, a dylai’r sawl sydd yn berchen ar fusnes a/neu reolwyr weithio trwyddynt a’u cwblhau:
- Polisïau a gweithdrefnau
- Diogelu
- Arferion da
- Cofnodion
- Gofal ychwanegol
Unwaith y bydd pob adran wedi ei chwblhau, dylid dwyn sylw'r staff at y pecyn. Dylid adolygu’r gweithdrefnau iechyd a diogelwch/dulliau diogel yn rheolaidd a’u diweddaru pan fydd angen, er enghraifft, yn dilyn damwain, newidiadau i arferion gwaith neu pan gyflwynir offer newydd.
Nid yw rheoli perygl yn y gweithle yn wahanol i unrhyw dasg arall - mae angen i chi gydnabod problemau, gwybod digon amdanynt, penderfynu beth i'w wneud a gweithredu ar yr atebion.
Dechrau Arni
Isod, ceir rhestr o gymorth a chyngor ar gamau gweithredu y mae angen i fusnesau bach eu cymryd er mwyn bodloni cyfraith iechyd a diogelwch.
Mae 10 peth allweddol y mae'n rhaid i chi eu gwneud:
- Penderfynu beth allai achosi niwed i bobl a sut i gymryd rhagofalon. Dyma'ch asesiad risg. Gweler y llyfryn Cyflwyniad i Iechyd a Diogelwch am ffurflen hunanasesu barod.
- Penderfynu sut rydych yn mynd i reoli iechyd a diogelwch yn eich busnes. Os oes gennych 5 neu fwy o weithwyr, mae angen i chi gofnodi hyn yn ysgrifenedig. Dyma'ch polisi iechyd a diogelwch. Gweler y llyfryn fel yr uchod ar gyfer y ffurflen hunanasesu.
- Os ydych yn cyflogi unrhyw un, mae angen Yswiriant Gorfodol Atebolrwydd Cyflogwyr arnoch a rhaid i chi arddangos y dystysgrif yn eich gweithle.
- Rhaid i chi ddarparu hyfforddiant iechyd a diogelwch rhad ac am ddim i'ch gweithwyr fel eu bod yn gwybod pa beryglon a risgiau y gallant eu hwynebu a sut i fynd i'r afael â nhw.
- Rhaid i chi gael cyngor cymwys i'ch helpu i fodloni eich dyletswyddau iechyd a diogelwch. Gall hwn gael ei ddarparu gan weithwyr o'ch busnes, ymgynghorwyr allanol neu gyfuniad o'r rhain.
- Mae angen i chi ddarparu toiledau, cyfleusterau ymolchi a dŵr yfed i'ch holl weithwyr, gan gynnwys rhai sydd ag anableddau. Mae'r rhain yn anghenion iechyd, diogelwch a lles sylfaenol.
- Rhaid i chi ymgynghori â'ch gweithwyr ar faterion iechyd a diogelwch.
- Os oes gennych weithwyr, rhaid i chi arddangos y poster cyfraith iechyd a diogelwch neu roi taflen i'ch gweithwyr sy'n cynnwys yr un wybodaeth.
- Os ydych yn gyflogwr, yn hunangyflogedig neu'n rheoli safle gwaith, yn ôl y gyfraith, rhaid i chi gofnodi rhai damweiniau, clefydau a digwyddiadau peryglus sy'n gysylltiedig â gwaith.
Nid oes angen i iechyd a diogelwch fod yn ddrud, yn llafurus nac yn gymhleth. Lawrlwythwch ein Pecyn Cyngor i Fusnesau Bach (yn agor mewn tab newydd) am ddim am ragor o wybodaeth.
Daeth Deddf Gwelyau Haul (Rheoleiddio) 2010 i rym ar 8 Ebrill 2011 i atal pobl dan 18 rhag defnyddio salonau gwelyau haul. Yma, gallwch lawr lwytho Cyfarwyddyd gan yr Adran Iechyd ar gyflawni eich gofynion cyfreithiol (yn agor mewn tab newydd).
Bydd rhaid i weithredwyr sicrhau bod yna oruchwyliaeth briodol yn eu salonau er mwyn atal plant rhag defnyddio eu gwelyau haul. Daeth nifer o achosion i’r amlwg ar draws y wlad, lle bu plant yn defnyddio gwelyau haul â blychau arian mewn salonau a arweiniodd at losgiadau difrifol iawn. Dengys astudiaethau bod defnyddio gwelyau haul am y tro cyntaf cyn 35 oed yn cynyddu’r risg o ddatblygu melanoma o ryw 75 y cant.
Dylai salonau ddarparu gorchudd diogelwch ar gyfer y llygaid a sicrhau (hyd y gellir) ei fod yn cael ei wisgo. Dylai salonau hefyd arddangos gwybodaeth glir a manwl gywir ar iechyd, a sicrhau bod y defnyddwyr yn deall y wybodaeth yma.
Bydd rhaid i fusnesau fel canolfannau hamdden a champfeydd hefyd sicrhau bod gwelyau haul yn cael eu lleoli mewn parth dan gyfyngiadau, i arbed pobl dan 18 i gael mynediad iddynt. Er enghraifft, os oes modd cael mynediad i wely haul trwy ystafell wisgo, byddai rhaid gwahanu’r ddwy ystafell er mwyn sicrhau nad oes mynediad trwyddi i’r gwely haul.
I'ch helpu, rydym wedi llunio taflen dulliau diogel (yn agor mewn tab newydd) yn rhan o becyn cymorth diogelwch rhad ac am ddim i’w cwblhau gan fusnesau. Mae’r daflen hon yn cynnig arweiniad ar arfer gorau ond yn bwysicach, bydd yn eich helpu i gydymffurfio â’r ddeddfwriaeth
Hyfforddiant
Rhaid i chi hyfforddi eich staff ar bob agwedd o redeg y salon, yn cynnwys sut i wirio oedran eich cwsmeriaid a’r math o dystiolaeth yr ydych yn ei derbyn. Dylech gadw cofnodion o unrhyw hyfforddiant yr ydych wedi ei ddarparu i’ch staff ac ailadrodd yr hyfforddiant yn rheolaidd er mwyn cadw’r safonau yn uchel. Cofiwch fod angen hyfforddiant llawn a goruchwyliaeth ar aelodau newydd o staff.
Mae cyflwyniadau ar gyfer y sawl sydd yn berchen ar, neu’n rheoli Salonau Gwelyau Haul I’w helpu gyda’u gofynion cyfreithiol ar gael isod er mwyn i chi eu defnyddio’n rhan o’ch hyfforddiant. Os oes angen cymorth pellach arnoch cysylltwch â ni.
Adnoddau hyfforddi
- Effaith gwelyau haul ar iechyd (yn agor mewn tab newydd)
- Rhwystro pobl dan oedran rhag prynu yn y busnes gwelyau haul (yn agor mewn tab newydd)
- Iechyd, diogelwch a glendid gwelyau haul (yn agor mewn tab newydd)
- Rhestr gwirio diogelwch ar gyfer gweithredwyr gwelyau haul (yn agor mewn tab newydd)
- Poster offer lliw haul uwch fioled (yn agor mewn tab newydd)
- Poster gwely haul dan 21 oed (yn agor mewn tab newydd)
Ar ôl pori trwy'r gwasanaethau cynghori a'r offer ar-lein yn yr adran hon, o ble arall y cewch chi gymorth?
Gallwch gael rhagor o gyngor a lawrlwytho neu archebu ystod eang o gyhoeddiadau am ddim o wefannau nifer o sefydliadau gwahanol, gan gynnwys:
- Y Gymdeithas Frenhinol er Atal Damweiniau yng Nghymru (RoSPA). Mae ganddi becyn defnyddiol sy'n cynnig cyngor i gwmnïau llai - Rheoli Iechyd a Diogelwch.
- Llinell Wybodaeth yr Awdurdod Gweithredol Iechyd a Diogelwch (HSE) - ffoniwch 0845 345 0055 am fynediad cyflym at gyfoeth o wybodaeth, cyngor arbenigol a chyfarwyddyd cyfrinachol ar iechyd a diogelwch.
Os ydych yn gyflogwr neu'n cael eich cyflogi yn Nhorfaen, gallwch hefyd gysylltu â swyddogion iechyd a diogelwch y cyngor am gyngor ac arolygiadau.
Mae gennym stoc gyfyngedig o gyhoeddiadau printiedig yn ein swyddfeydd, yn cynnwys taflenni HSE ar gyfer busnesau yn Nhorfaen nad oes ganddynt fynediad i'r rhyngrwyd.
Y tu allan i Dorfaen, dylech gysylltu â'ch cyngor dosbarth neu eich cyngor dinas lleol. Defnyddiwch Ganllaw A-Y gov.uk ar gyfer Cynghorau Lleol yn y DU.