Cerbydau Wedi'u Gadael

Nid oes diffiniad cyfreithiol o gerbyd wedi'i adael, ond gellir ystyried bod cerbyd wedi'i adael os ydyw:

Heb dreth a heb geidwad cofrestredig ar gofnodion y DVLA
Wedi'i ddifrodi'n sylweddol, wedi mynd â’i ben iddo neu nad yw’n addas i’w yrru ar y ffordd
Wedi ei losgi’n ulw
Heb un neu fwy o'i blatiau rhif
Os yw’n llawn sbwriel neu wastraff
Heb symud am gyfnod sylweddol o amser
Cerbyd nad oes unrhyw un byth yn dychwelyd ato

Nid yw'r ffaith bod cerbyd mewn cyflwr gwael neu heb ei drethu yn golygu ei fod wedi'i adael ac efallai y bydd angen gwneud ymholiadau i ganfod a yw wedi'i adael cyn y gellir ei symud.

Gallwch ganfod a yw cerbyd wedi ei drethu ar vehicleenquiry.service.gov.uk

Os oes gan y cerbyd dreth dilys, peidiwch â’i riportio fel un sydd wedi'i adael.

Os yw cerbyd heb dreth, dylech rhoi gwybod i’r DVLA.

Os yw cerbyd ar dir preifat, mae'n rhaid i ni gyflwyno rhybudd o 15 diwrnod i berchennog y tir. Pan fydd y 15 diwrnod wedi dod i ben, bydd y cerbyd yn cael ei drin fel pe bai ar briffordd.

Os yw cerbyd yn achosi rhwystr ar y briffordd, neu os credir ei fod wedi'i ddwyn neu ei fod wedi bod yn rhan o drosedd, rhowch wybod i Heddlu Gwent ar 01633 838111.