Eithriadau i'r dreth gyngor - eiddo sydd â phreswylwyr

Gall eiddo fod wedi'u heithrio rhag y dreth gyngor os yw un o'r canlynol yn berthnasol. 

• neuadd breswyl i fyfyrwyr
• eiddo a feddiannir yn gyfan gwbl gan fyfyrwyr
• llety i luoedd arfog y DU
• llety i luoedd sy’n ymweld
• eiddo a feddiannir gan bobl sydd wedi gadael yr ysgol neu’r coleg
• eiddo a feddiannir gan bobl dan 18 oed
• sy’n cael eu meddiannu gan unigolion ag amhariad gwybyddol sylweddol yn unig
• prif gartref i unigolyn sydd ag imiwnedd diplomyddol
• eiddo a feddiannir gan unigolyn sy’n gadael gofal, sydd yn 24 oed neu’n iau
• rhandy ynghlwm wrth eiddo, ac mae’r rhandy yn cael ei feddiannu gan berthynas ddibynnol

Os ydych chi'n meddwl y gallech fod yn gymwys ar gyfer un o'r eithriadau hyn, cysylltwch â ni.

Sylwer, os ydych yn gymwys i gael gostyngiad, neu eich eithrio rhag y dreth gyngor, gofynnir i chi lenwi ffurflen adolygu bob blwyddyn. Os na fyddwch yn cwblhau'r ffurflen adolygu, bydd yn rhaid i chi dalu eich treth gyngor yn llawn.

Os bydd eich amgylchiadau'n newid ac nad ydych bellach yn gymwys i gael gostyngiad, rhowch wybod i ni cyn gynted â phosibl. Os na fyddwch yn gwneud hynny, gallech gael tâl cosb. E-bost revenues@torfaen.gov.uk