Eithriadau i'r dreth gyngor - Cartrefi gwag

Os yw eiddo yn wag a heb ddodrefn, bydd yn cael ei eithrio rhag y dreth gyngor am y 6 mis cyntaf o'r dyddiad y cafodd ei wagio (dim dodrefn).

Gallai hyn fod y dyddiad cyn i chi gymryd yr eiddo. Byddai hyn yn golygu y byddech yn cael eich eithrio am y rhan hynny o'r cyfnod 6 mis sy'n berthnasol i chi, a hynny’n unig.                  

Cysylltwch â ni i weld a yw'r eiddo dal i fod yn gymwys i gael ei eithrio.

Gallwch ofyn am eithriad i’r dreth gyngor os yw eich eiddo yn: 

• cael atgyweiriadau mawr neu newidiadau strwythurol
• yn wag ac yn eiddo i elusen
• heb ddodrefn sylweddol ac yn wag am lai na chwe mis
• yn eiddo i denant sydd yn cael ei ddal yn y carchar, mewn ysbyty neu le arall a orchmynnwyd gan y llys
• yn eiddo i unigolyn sydd wedi mynd i fyw mewn cartref preswyl neu gartref nyrsio gofal meddwl, yn cynnwys hosteli
• yn eiddo i un sy’n talu’r dreth gyngor, sydd bellwch wedi marw
• yn cael ei gynnal ar gyfer gweinidog crefyddol
• yn eiddo i rywun arall sy’n byw yn rhywle arall i gael gofal neu roi gofal personol
• yn eiddo sydd wedi cael ei adael yn wag gan fyfyriwr
• yn rhandy gwag sydd ynghlwm wrth adeilad sy’n cael ei feddiannu
• yn eiddo sydd wedi ei wahardd rhag cael ei feddiannu yn ôl y gyfraith neu ddeddf seneddol
• morgeisia mewn meddiant
• yn eiddo sydd wedi ei adael yn wag gan unigolyn sy’n fethdalwr
• llain carafán neu angorfa wag

Os ydych chi’n meddwl y gallai fod hawl gennych i gael eich eithrio, cysylltwch â ni.

Sylwer, os ydych yn gymwys i gael gostyngiad, neu eich eithrio rhag y dreth gyngor, gofynnir i chi lenwi ffurflen adolygu bob blwyddyn. Os na fyddwch yn cwblhau'r ffurflen adolygu, bydd yn rhaid i chi dalu eich treth gyngor yn llawn.

Os bydd eich amgylchiadau'n newid ac nad ydych bellach yn gymwys i gael gostyngiad, rhowch wybod i ni cyn gynted â phosibl. Os na fyddwch yn gwneud hynny, gallech gael tâl cosb. E-bost revenues@torfaen.gov.uk