Bargen Torfaen

Beth yw hi a sut allwch chi gymryd rhan?

Dull cydweithredol newydd gan y cyngor i adeiladu cymuned deg, gynhwysol a gwydn trwy weithio’n agos â thrigolion a phartneriaid i gyd-ddylunio a chyflenwi gwasanaethau yw Bargen Torfaen.

Fel cyngor, mae ein gweledigaeth yn un o ddyfodol heb anghydraddoldeb, ble mae pawb yn ffynnu.

I lwyddo yn hyn o beth, mae angen i ni greu newid parhaol trwy adeiladau ymddiriedaeth, meithrin cydgyfrifoldeb, a gyrru arloesi trwy gydweithrediad cryf rhwng y cyngor, trigolion a phartneriaid.

I wneud hyn, rydym yn cyflwyno ffordd newydd o weithio gyda thrigolion a chymunedau yn hytrach na chyflenwi gwasanaethau iddyn nhw’n unig.

BETH yw’r Fargen?

• Mudiad yw’r Fargen; mae’n feddylfryd sy’n ymwneud â thrawsnewid y ffordd yr ydym oll yn gweithio gyda’n gilydd
• Mae’r Fargen yn ymwneud â datblygu perthynas newydd â thrigolion a phartneriaid
• Mae’r Fargen yn ymwneud ag adeiladu ar gryfderau a chapasiti mewn cymunedau
• Mae’r Fargen yn ymrwymiad gwirioneddol at weithio GYDA’N GILYDD i ddylunio a chyflenwi gwasanaethau a chyfleusterau.

Bydd y Fargen yn canolbwyntio ar bum cenhadaeth i wella bywydau:

• Blynyddoedd Cynnar – Adeiladu Dyfodol Disglair: buddsoddi’n gynnar, buddsoddi’n glyfar
• Dysgu Gydol Oes a Gwydnwch: sgiliau yw’r cytundeb cymdeithasol newydd
• Lles Trwy Arweinyddiaeth Gymunedol: mae iechyd yn cael ei greu mewn cymunedau, nid ysbytai
• Economi Ffyniannus a Lleoedd Bywiog: twf gyda phwrpas, nid twf er ei les ei hun
• Cymunedau wedi’u Grymuso – Pŵer a Llwyddiant wedi’u Rhannu: o ddefnyddwyr gwasanaeth i gyd-ddylunwyr newid.

Bydd yn cael ei chyflenwi yn unol â phum egwyddor a ddatblygwyd ac a gytunwyd gan Gynulliad Pobl Torfaen:

• Gweithio gydag ac i gymunedau
• Adeiladau ymddiriedaeth trwy atebolrwydd a chyfathrebu
• Grymuso cymunedau ac annog cydgyfrifoldeb
• Lleihau rhwystrau at gyfranogiad
• Mynd ar ôl cynaliadwyedd amgylcheddol.

PAM fod angen Bargen?

• Ers 2010, mae cynghorau yng Nghymru wedi colli dros un rhan o bump o’u  cyllid
• Yn y cyfamser, mae gwasanaethau ar sail galw wedi cynyddu’n sylweddol
• I lenwi’r bwlch, mae cynghorau wedi codi incwm ac wedi torri gwasanaethau, gan gynnwys gwasanaethau dewisol a chyffredinol – yr union bethau sy’n atal iechyd gwael ac sy’n lleihau galw hirdymor.
• Trwy ddod yn Gyngor Marmot, rydym wedi derbyn yr egwyddorion sy’n anelu at fynd i’r afael â ffactorau cymdeithasol-economaidd sy’n effeithio ar iechyd a lles pobl.
• Mae Bargen Torfaen yn cyd-fynd â Torfaen Y Dyfodol: Cynllun Sirol a bydd yn ffurfio cynlluniau cyflenwi blynyddol.

SUT allwch chi gymryd rhan?

• Os oes gyda chi syniad i’r Fargen – er enghraifft, gwasanaeth neu gyfleuster cymunedol newydd yn eich ardal leol – cysylltwch â’ch cynghorydd lleol.
• Clywch y diweddaraf am Fargen Torfaen trwy gofrestru ar wefan Cymryd Rhan Torfaen.
• Gwirfoddolwch yn eich cymuned leol neu ymunwch â grŵp lleol.
• Cefnogwch gynhyrchwyr a busnesau lleol a chanol trefi.
• Edrychwch am enghreifftiau i Fargen Torfaen ar waith ar ein sianel YouTube