Ailgylchu i Fusnesau yn Nhorfaen

Rhaid i bob safle busnes ddidoli eu heitemau ailgylchu cyn iddynt gael eu casglu: 

• Gwastraff bwyd (safleoedd sy'n cynhyrchu mwy na 5kg o wastraff bwyd yr wythnos)
• Papur a cherdyn
• Gwydr
• Caniau metel
• Poteli plastig
• Cartonau a phecynnau tebyg
• Offer trydanol ac electronig bach heb eu gwerthu (WEEE) 
• Tecstilau heb eu gwerthu

Mae’n ddyletswydd gyfreithiol ar fusnesau i ddefnyddio cludwr gwastraff cofrestredig i waredu ar wastraff ac eitemau ailgylchu. 

Am fanylion cwmnïau cofrestredig sy’n gwaredu ar wastraff, ewch i wefan Cyfoeth Naturiol Cymru.

Mae'r cyngor yn cynnig gwasanaeth ailgylchu masnachol. Am fwy o wybodaeth, cysylltwch â Chyswllt Busnes Torfaen ar 01633 648735 neu anfonwch e-bost i businessdirect@torfaen.gov.uk

Meddianwyr eiddo sy’n gyfrifol am gydymffurfio â Rheoliadau Ailgylchu yn y Gweithle, Llywodraeth Cymru.

Cyfoeth Naturiol Cymru fydd yn gorfodi’r rheoliadau a gallai meddianwyr wynebu dirwyon o hyd at £300 am bob trosedd.

Mae rhagor o wybodaeth ar gael ar wefan Llywodraeth Cymru.

Gall cwsmeriaid busnes y cyngor gael cyngor gan y tîm drwy gysylltu â BusinessRecycling@torfaen.gov.uk