Ôl-ddyledion y Dreth Gyngor

Mae'r Dreth Gyngor yn dâl cyfreithiol. Os yw'n ofynnol i chi dalu'r Dreth Gyngor ac nid ydych yn gwneud taliadau, neu'n methu taliadau, efallai y byddwn yn cymryd camau i gasglu'r swm sy'n ddyledus.

Os ydych chi'n cael trafferth gwneud taliadau, cysylltwch â ni cyn gynted â phosibl trwy revenues@torfaen.gov.uk neu 01495 762200. Efallai y byddwn yn gallu helpu. Rhagor o wybodaeth am y cymorth sydd ar gael. 

Beth sy'n digwydd os byddwch chi'n colli taliad

O fis Ebrill 2026 ymlaen, mae yna broses gliriach, raddol ledled Cymru. Mae hyn yn rhoi amser i bobl fynd i'r afael â thaliadau a fethwyd cyn bod camau gorfodi’n cael eu cymryd.

Hysbysiad atgoffa

Os byddwch yn colli taliad Treth Gyngor, efallai y byddwn yn anfon hysbysiad atgoffa atoch. Mae hyn yn golygu:

• Bod eich rhandaliadau’n hwyr ac y dylech geisio dod â’ch cyfrif yn gyfredol cyn gynted â phosibl

Cysylltwch â ni os ydych chi'n cael trafferth talu neu mae angen amser arnoch i wneud taliad

Ar yr adeg hon, gallwch barhau i dalu mewn rhandaliadau os yw'ch cyfrif yn cael ei ddiweddaru.

Hysbysiad terfynol

Os nad yw'ch cyfrif yn cael ei ddiweddaru, byddwch yn derbyn hysbysiad terfynol. Ni fydd hyn fel arfer yn cael ei gyhoeddi tan o leiaf:

• 41 diwrnod ar ôl y taliad a fethwyd, ac
• O leiaf 14 diwrnod ar ôl unrhyw hysbysiad atgoffa

Mae'r hysbysiad terfynol yn golygu:

• Eich bod wedi methu taliadau fel y nodwyd y rheiny ar eich bil
• Bod rhaid i chi wneud eich cyfrif yn gyfredol o fewn 21 diwrnod

Gallwch barhau i dalu mewn rhandaliadau ar y pwynt hwn os byddwch chi'n diweddaru'ch cyfrif.

Os na wneir y taliad o fewn 21 diwrnod, byddwn yn gwneud cais i'r Llys Ynadon am wŷs llys.

Sut i wneud taliad ar gyfer y Dreth Gyngor

Gwŷs llys

Os ydych chi'n derbyn galwad llys, mae'n golygu ein bod wedi gwneud cais i Lys yr Ynadon am orchymyn atebolrwydd oherwydd Treth Gyngor heb ei thalu. Ar yr adeg hon:

• Mae’r hawl i dalu fesul rhandaliadau’n cael ei ddileu
• Mae gweddill llawn yn ddyledus
• Mae costau llys yn cael eu hychwanegu at eich cyfrif

Ni fydd y cam hwn fel arfer yn digwydd tan o leiaf 63 diwrnod ar ôl y taliad gwreiddiol a gollwyd.

Dylech gysylltu â ni ar unwaith i drafod eich opsiynau.

Os na allwch dalu'r swm llawn, gallwch gyflwyno cynnig cytundeb gwŷs i ofyn i gael talu mewn rhandaliadau.

Gwneud Cynnig Cytundeb Gŵys

Gorchymyn atebolrwydd

Os yw'r llys yn caniatáu gorchymyn atebolrwydd, mae hyn yn cadarnhau'r swm sy'n ddyledus i chi ac yn rhoi pwerau cyfreithiol i'r Cyngor adennill y ddyled.

Camau adfer pellach

Os yw'r gweddill yn parhau heb ei dalu, efallai y byddwn yn cymryd camau pellach, gan gynnwys:

• Didyniadau o’ch cyflog
• Didyniadau o rai budd-daliadau
• Cyfeirio at asiantiaid gorfodaeth (beili)

Gellir ychwanegu ffioedd ychwanegol ym mhob cam.

Dylech gysylltu â ni ar unwaith i drafod eich opsiynau.

Diwygiwyd Diwethaf: 02/06/2026 Nôl i’r Brig