Beth yw'r Dreth Gyngor?

Y Dreth Gyngor yw’r dreth sy’n cael ei gosod gan awdurdodau lleol i fodloni eu gofynion cyllid.

Mae'n broses gyfreithiol. Os oes gofyn i chi dalu'r Dreth Gyngor ond dydych chi ddim yn gwneud hynny, gallech wynebu camau cyfreithiol. Rhagor o wybodaeth am beth ddylech chi ei wneud os oes gennych ôl-ddyledion ar y Dreth Gyngor.

Mae'r swm y mae angen i chi ei dalu yn seiliedig ar fand prisio eich cartref, ac mae'n cymryd bod dau oedolyn yn byw yn yr eiddo.

Os nad yw hyn yn wir, neu os ydych chi neu rywun rydych chi'n byw gydag ef/hi yn anabl, efallai y byddwch yn gymwys i gael gostyngiad ar y dreth gyngor.

Byddwch yn cael bil Treth Gyngor blynyddol bob mis Mawrth.

Gallwch hefyd weld eich bil ar-lein, yn ogystal â gwneud taliadau, gwneud cais am ostyngiadau, a chael gwared ar eich biliau papur.

I drefnu eich cyfrif ar-lein, chwiliwch am gyfeirnod y cyfrif a'r allwedd ar-lein ar fil neu hysbysiad diweddar.

Defnyddio’r gwasanaeth treth gyngor ar-lein 

Os nad oes bil diweddar gennych, gofynnwch am gopi.

Gofyn am gopi o'ch bil

Oes angen help arnoch i dalu’r dreth gyngor? Cysylltwch â revenues@torfaen.gov.uk neu ffoniwch 01495 762200.

Sut i dalu

Gallwch dalu'n llawn neu mewn rhandaliadau.

Debyd Uniongyrchol: Gallwch gofrestru i dalu trwy Ddebyd Uniongyrchol  

Ar-lein: Defnyddiwch ein dolen ddiogel i dalu

Gwneud taliad

Ffôn: Ffoniwch ein canolfan gyswllt i gwsmeriaid ar 01495 762200 neu ein llinell daliadau awtomataidd: 0300 4560516 (codir tâl am alwadau, ar gyfradd leol).

Wyneb yn wyneb: Gallwch dalu gydag arian parod, siec neu gerdyn debyd neu gredyd yn unrhyw un o'n canolfannau cyswllt i gwsmeriaid  

Diwygiwyd Diwethaf: 19/09/2025 Nôl i’r Brig