Wedi ei bostio ar Dydd Mercher 10 Rhagfyr 2025
Ddydd Mawrth, yn ystod cyfarfod llawn y Cyngor estynnwyd llongyfarchiadau i enillwyr y gystadleuaeth Ddim Mewn Colli Mas a drefnwyd gan y Cyngor.
Cyflwynwyd tystysgrifau i’r disgyblion ar ôl i'w dyluniadau gael eu dewis i gynrychioli’r ymgyrch presenoldeb, sydd wedi helpu i wella cyfraddau presenoldeb ers iddi gael ei lansio ym mis Tachwedd 2022.
Derbyniodd yr enillwyr canlynol eu gwobrau gan y Cynghorydd Anthony Hunt, Arweinydd y Cyngor, a'r Cynghorydd Richard Clark, Aelod Gweithredol dros Blant, Teuluoedd ac Addysg:
- Amy Stone, Florence James, Ellie Stirling (Disgyblion Blwyddyn 9) yn Ysgol Uwchradd Gatholig Sant Alban
- Charlotte Townsend, Charlie Mogford (Disgyblion Blwyddyn 6) yn Ysgol Gynradd Gymunedol Llantarnam
- Alexia O’Sullivan (Blwyddyn 5) a Charlotte O’Sullivan (Blwyddyn 1) yn Ysgol Gynradd Gymunedol Coed Eva
Cyflwynwyd talebau Amazon gwerth £20 i’r disgyblion uwchradd, a thalebau Smyths gwerth £20 i’r disgyblion cynradd a ddaeth yn fuddugol.
Derbyniodd eu hysgolion dalebau am y categorïau buddugol hefyd, gydag Ysgol Uwchradd Gatholig Sant Alban yn derbyn £850, Ysgol Gynradd Coed Eva yn derbyn £500, ac Ysgol Gynradd Llantarnam yn derbyn £250.
Bydd y dyluniadau buddugol yn cael eu hargraffu ar faneri finyl a phosteri, a'u harddangos mewn ysgolion ledled Torfaen yn y Flwyddyn Newydd.
Dywedodd y Cynghorydd Richard Clark, Aelod Gweithredol dros Addysg: "Diolch i'r holl ysgolion a gymerodd ran. Mae natur greadigol a brwdfrydedd y disgyblion wedi bod yn rhagorol. Gyda'n gilydd, rydym yn rhoi blaenoriaeth i bresenoldeb yn yr ysgol ac yn sicrhau bod pob plentyn yn cael y cyfle i ffynnu."
Ers ei lansio, mae ymgyrch Ddim Mewn, Colli Mas, sy'n dathlu'r nifer o resymau gwych dros fynd i'r ysgol, wedi cyrraedd dros filiwn o bobl.
Er 2022, gwelwyd lefelau presenoldeb disgyblion cynradd ar y cyfan yn cynyddu o ryw 2.01% i 92.82%, a chynnydd o 5.22% mewn ysgolion uwchradd sy’n gyfystyr â 89%.
O'r 22 awdurdod unedol yng Nghymru, mae Torfaen ar hyn o bryd yn y bumed safle, ar y cyd â Phowys, yn y tabl cynghrair cenedlaethol ar gyfer presenoldeb mewn ysgolion.