Wedi ei bostio ar Dydd Mawrth 7 Tachwedd 2023
Mae Sul y Cofio yn ddiwrnod pwysig yng nghalendr y genedl, ac eleni bydd yn digwydd ar 12 Tachwedd.
Mae’n rhoi cyfle i gofio’r Lluoedd Arfog, a’u teuluoedd, o Brydain a’r Gymanwlad, a’r aberthau a gafodd eu gwneud i amddiffyn ein rhyddid a gwarchod ein ffordd o fyw.
Mae’n gyfle hefyd i ystyried rôl hanfodol y gwasanaethau brys a’r rheiny sydd wedi colli eu bywydau o ganlyniad i wrthdaro neu derfysgaeth.
I nodi’r achlysur pwysig yma, bydd yna gyfres o orymdeithiau a gwasanaethau ledled y fwrdeistref sirol, gyda rhai’n cynnwys seremoni gosod torchau.
Blaenafon
- 10.40am - Gorymdaith o'r Maes Parcio Uchaf, drwy Broad Street ac Ivor Street i'r Senotaff.
- 11.00am - Gosod torchau a gwasanaeth ger y Senotaff.
Cwmbran
- 10.20am - Yr Orymdaith yn Ymgynnull ar Clomendy Road
- 10.30am - Bydd yr Orymdaith yn ymffurfio ar Wesley Street. Bydd yr Orymdaith yn symud i ffwrdd i lawr Wesley Street arno i Cocker Avenue, gan aros wrth y goleuadau cyn Henllys Way. Bydd y Gorymdeithwyr yn gadael eu llefydd er mwyn i’r rheiny sy’n gorymdeithio fynd i mewn i Barc Cwmbrân.
- 10.50am - Gwasanaeth Coffa ym Mharc Cwmbrân
Y dafarn newydd
10.00am - Gorymdeithwyr yn ymgynnull yn Neuadd Eglwys y Santes Fair, Y Briffordd, Y Dafarn Newydd.
10.10am - Yr Orymdaith yn symud i Eglwys y Santes Fair.
10.30am - Gwasanaeth Eglwys yn Eglwys y Santes Fair.
11.20am - Gorymdaith yn dychwelyd i Neuadd Eglwys y Santes Fair.
Pontnewydd
- 10.15am - Y Gorymdeithwyr yn ymgynnull.
- 10.30am - Gorymdeithio o Glwb Lleng Brydeinig Frenhinol Pontnewydd, Station Road, Pontnewydd ar gyfer seremoni gosod torchau a gwasanaeth ger y Senotaff. Cynhelir dwy funud o dawelwch am 11.00am.
Ponty-y-pwl
- 11.45am - Y Gorymdeithwyr yn ymgynnull ar Commercial Street, Canol Tref Pont-y-pŵl.
- 12.00noon - Yr Orymdaith yn symud o’r man ymgynnull i’r Gatiau Coffa, Pont-y-pŵl i gynnal gwasanaeth a seremoni gosod torchau; dychwelyd ar hyd Cylchfan Clarence.
Mae manylion llawn y gwasanaethau sy’n digwydd i’w gweld ar wefan Cyngor Torfaen.
Bydd cau ffyrdd mewn grym am gyfnod o 30 munud cyn dechrau ac ar ôl gorffen y gorymdeithiau.
Dywedodd Hyrwyddwr y Lluoedd Arfog yng Nghyngor Torfaen, y Cynghorydd Gaynor James:
"Mae Sul y Cofio’n ddigwyddiad difrifddwys i gofio dewrder ac ymroddiad y rheiny sydd wedi ymladd i warchod ein rhyddid a’n ffordd o fyw. Mae gyda ni gyfrifoldeb i’w hanrhydeddu ac i barhau i ymdrechu dros heddwch a chyfiawnder yn y byd.
"Mae’n amser hefyd i ni fynegi diolch i bobl yn y gwasanaethau brys sy’n peryglu eu bywydau pob dydd er mwyn cadw’n cymunedau’n ddiogel."