Addasiadau i'r Cartref

Os ydych chi neu rywun yr ydych yn gofalu amdanynt yn ei chael hi'n anodd rheoli'ch cartref, mae help ar gael.

Gallwch gysylltu â'n tîm gwasanaethau cymdeithasol i gael cyngor ar 01495 762200. 

Efallai y byddant yn eich cyfeirio at therapydd galwedigaethol a fydd yn helpu i asesu eich anghenion. 

Mae penderfyniadau'n cael eu harwain gan Wiriwr Cymhwystra Llywodraeth Cymru.   

Gofal a Thrwsio Torfaen 

Mae Gofal a Thrwsio yn elusen addasiadau tai sy'n helpu pobl 60 oed a hŷn i fyw'n annibynnol yn eu cartref. Maent yn darparu nifer o gynlluniau addasu gwahanol, yn rhad ac am ddim i berchnogion tai neu denantiaid: 

• Gofal a Diogelwch yn y cartref – addasiadau sy'n costio hyd at £350. Gall pobl hunangyfeirio drwy gysylltu â'r elusen. 
• Rhaglen Addasiadau Ymateb Cyflym – addasiadau sy'n costio llai na £1,000 i bobl sydd newydd gael eu rhyddhau o'r ysbyty neu mewn perygl o orfod mynd i mewn i’r ysbyty neu gartref gofal. Rhaid cael atgyfeiriad gan weithiwr proffesiynol yn y maes iechyd neu wasanaethau cymdeithasol. 
• HWYLUSO – Cefnogaeth i Fyw'n Annibynnol – addasiadau sy’n costio hyd at £8,000 i’r rheini yn yr Ysbyty sy’n aros i gael eu rhyddhau, sydd wedi cael eu rhyddhau o’r Ysbyty yn ddiweddar neu sydd mewn perygl o orfod mynd i mewn i’r ysbyty.  

I gael gwybodaeth, cysylltwch â Gofal a Thrwsio ar 01495 745936. 

Grantiau Addasiadau Cost Isel

Mae grantiau ar gael gan Gyngor Torfaen ar gyfer addasiadau sy'n costio rhwng £1,000 ac £8,000, yn dilyn atgyfeiriad iechyd galwedigaethol gan y gwasanaethau cymdeithasol.  

Grantiau Cyfleusterau i'r Anabl

Grantiau prawf modd, o rhwng £8,000 a £36,000. Nid oes prawf modd am waith sy'n costio llai na £8,000 neu os yw'r addasiad ar gyfer plentyn anabl. 

Gall Grant Cyfleusterau i’r Anabl dalu costau addasiad mawr yn rhannol neu'n gyfan gwbl hyd at £36,000..   

Dylai tenantiaid cymdeithasau tai gysylltu â'u landlord yn y lle cyntaf.   

I wneud cais, rhaid i chi gysylltu â Chyngor Torfaen a gofyn am asesiad gan Therapydd Galwedigaethol a all gychwyn y broses i wneud cais am grant. I gael mwy o wybodaeth, cysylltwch ar 01495 762200.