Trwyddedu Safleoedd Carfannau a Gwersylla
Mae Tîm Diogelwch Tai a Gwarchodaeth Amgylcheddol y Cyngor yn gyfrifol am roi trwyddedau safleoedd carafanau a gwersylla. Gall cais gael ei wneud i’r Cyngor ar unrhyw adeg am drwydded safle ond bydd yn cael ei rhoi dim ond pan fydd caniatâd cynllunio wedi ei roi.
Bydd y drwydded yn cynnwys amodau’n gysylltiedig ag iechyd a diogelwch, cyfleusterau a diogelwch tân. Mae yna dair set o amodau enghreifftiol a fydd yn cael eu defnyddio fel arfer fel lleiafswm gan ddibynnu ar y math o garafanau a leolir ar y safle. Gall y Cyngor hefyd osod unrhyw amodau eraill y mae’n teimlo eu bod yn briodol ar gyfer safle neu amgylchiadau unigol.
Does dim tâl am y drwydded. Mae’r Cyngor yn arolygu safleoedd carafanau trwyddedig yn rheolaidd er mwyn sicrhau cydymffurfiad ag amodau’r drwydded.
Mae’r Ddeddf Safleoedd Carafanau a Rheoli Datblygu 1960 yn gwahardd y defnydd o dir fel safle i garfanau oni bai bod gan feddiannydd drwydded safle a roddwyd gan yr awdurdod lleol. Mae yna rai eithriadau.
Mae’r eithriadau a restrir yn ddisgrifiadau bras ac ni fwriedir iddynt fod yn ddiffiniadau cyfreithiol.
Dylid cyfeirio ar Atodiad Un y Ddeddf am ddisgrifiad llawn o’r eithriadau.
- carafanau wedi eu lleoli o fewn cwrtil preswylfa ac mae eu defnydd yn eilbeth i’r breswylfa hwnnw
- carafán unigol a ddefnyddiwyd am gyfnod heb fod yn fwy na dwy noson yn olynol am gyfanswm nad yw’n fwy na 28 diwrnod yn y 12 mis ers dod â’r garafán i’r tir am y tro cyntaf;
- deiliadaethau heb fod yn fwy na 5 erw ble mae 3 neu lai o garafanau wedi eu gosod am fwyafswm o 28 diwrnod yn y 12 mis ers dod â’r garafán i’r tir am y tro cyntaf
- safleoedd a feddiannir ac a oruchwylir gan sefydliadau eithriedig
- safleoedd a ddefnyddir am nid yn fwy na 5 diwrnod yn olynol gan sefydliadau eithriedig
- carafanau a ddarperir at ddefnydd gweithwyr amaethyddol a choedwigaeth
- carafanau a leolir ar safleoedd adeiladu a pheirianneg
- dynion sioe teithiol
- safleoedd a feddiannir gan awdurdod lleol; a
- safleoedd sipsiwn a ddarperir gan gynghorau sir neu gynghorau rhanbarthol
Cedwir Cofrestr Gyhoeddus o Safleoedd Carafanau Trwyddedig gan Dîm Diogelwch Tai a Gwarchodaeth Amgylcheddol y Cyngor, ac fe’i hatgynhyrchir isod:
Cofrestr o Drwyddedau Meysydd Carafanau
Preswyl
Teithiol
Trwyddedu Cartrefi Symudol
Mae’n rhaid i safleoedd cartrefi symudol â thenantiaid neu feddianwyr safleoedd preswyl parhaol fod wedi eu trwyddedu’n unol â Deddf Cartrefi Symudol (Cymru) 2013.
Bwriad y gyfraith yw rhoi mwy o hawliau ac amddiffyniadau i berchnogion a thenantiaid cartrefi symudol sy’n byw’n barhaol ar safle preswyl yn ogystal â phwerau pellach i awdurdodau lleol sicrhau bod perchnogion safleoedd yn cydymffurfio â thelerau trwyddedau eu safleoedd.
Os ydych chi’n berchennog neu’n rheolwr safle yr ydych yn credu sydd angen ei drwyddedu, cysylltwch â ni os gwelwch yn dda i drafod hyn ymhellach neu i ofyn am ffurflen gais.
Cedwir Cofrestr Gyhoeddus o Safleoedd Cartrefi Symudol Trwyddedig gan Dîm Diogelwch Tai a Gwarchodaeth Amgylcheddol y Cyngor, ac fe’i hatgynhyrchir isod:
Diwygiwyd Diwethaf: 05/12/2023
Nôl i’r Brig