Canllawiau Cynllunio Atodol
Beth yw Canllawiau Cynllunio Atodol
Mae'r Canllawiau Cynllunio Atodol (CCA) yn ddogfennau a gynhyrchir gan y Cyngor i roi arweiniad i'r cyhoedd, ymgeiswyr a datblygwyr wrth wneud ceisiadau cynllunio. Mae'r CCA yn darparu gwybodaeth atodol mewn perthynas â'r polisïau yn y Cynllun Datblygu lleol a fabwysiadwyd ar gyfer Torfaen. Mae'n fodd o gynnig canllawiau thematig neu fanylach o ran sut y bydd y polisïau hyn yn cael eu defnyddio mewn amgylchiadau neu ardaloedd penodol. Mae CCA yn un o'r 'ystyriaethau materol' y rhoddir ystyriaeth iddynt wrth benderfynu ar geisiadau cynllunio neu apeliadau.
Gall y CCA fod ar ffurf y canlynol:
- Canllawiau penodol ynghylch bioamrywiaeth neu ddyluniad blaen siop
- Canllawiau'n ymwneud â safleoedd penodol, fel fframweithiau datblygu neu briffiau datblygu; a
- Chanllawiau neu drothwyon rhifiadol a allai newid yn ystod oes y cynllun, fel safonau meysydd parcio, er mwyn osgoi i'r cynllun cyfredol fynd yn hen yn rhy gyflym. Fodd bynnag, nid yw hyn yn cynnwys y meysydd hynny lle y mae'r targedau hyn yn bolisi allweddol, fel targedau ar gyfer darpariaeth tai yn y dyfodol
Rhestr o’r Canllawiau Cynllunio Atodol a Fabwysiadwyd
Rhestr o Ddogfennau Ategol / Cefndir a Gyhoeddwyd
Map rhyngweithiol
I gefnogi rhai o'n dogfennau CCA, rydym wedi llunio map rhyngweithiol: Cyngor Bwrdeistref Sirol Torfaen – Cynllun Lleol: Uwchgynllunio (opus4.co.uk). Ar hyn o bryd mae’n berthnasol yn benodol i’r CCA Seilwaith Gwyrdd a fabwysiadwyd ar 27 Chwefror 2024, CCA Dylunio Safle, Uwchgynllunio a Briff Datblygu a fabwysiadwyd ar 28 Chwefror 2023 a CCA Lleoliadau Cynaliadwy a fabwysiadwyd ar 13 Mehefin 2023.
Cliciwch ar y ddolen i weld map o Dorfaen sy’n dangos haenau o wybodaeth (Cyfyngiadau a chyfleoedd) i’ch helpu i ddadansoddi’ch a chynllunio’ch safle datblygu. Gellir dod o hyd i leoliad neu safle drwy chwyddo’r map i ddod o hyd i’r ardal gywir neu wrth bori’r i ddod o hyd i’r cyfeiriad. Gellir gweld y gwahanol haenau o wybodaeth yn unigol neu mewn cyfuniad, drwy glicio i’w troi ymlaen neu i ffwrdd. Mae’r symbol llygad yn dangos y rheini sy’n weladwy. Mae unrhyw wybodaeth ychwanegol ar gael drwy'r ‘i’. Gellir defnyddio’r offeryn i fesur pellteroedd ac ardaloedd. Mae tiwtorial a chymorth yn rhan o’r feddalwedd, ar ochr chwith y sgrin ond os byddwch yn cael unrhyw broblem neu os oes gennych ymholiadau, mae croeso i chi gysylltu â ni ar ldp@torfaen.gov.uk.
Mae’r wybodaeth hon yn cynnwys y data diweddaraf sydd gennym, ond dylai unrhyw ddefnyddiwr ei wirio i sicrhau ei fod yn gywir ‘ar lawr gwlad’.
Mae fersiwn Gymraeg o’r map ar gael drwy glicio ar y botwm iaith tuag at waelod y sgrin ar yr ochr chwith.
Model Dichonoldeb Datblygu (MDD)
Mae’r Cyngor wedi gweithio mewn partneriaeth â Chynghorau eraill yn y rhanbarth, ochr yn ochr â’r ymgynghorwyr Cynllunio a Datblygiad Trefol, Burrows-Hutchinson Ltd, i sefydlu’r teclyn asesu. Mae’r MDD wedi cael ei greu fel model cynhwysfawr, hawdd ei ddefnyddio i hyrwyddwyr safleoedd a’r rheiny sy’n gwneud penderfyniadau, at ddibenion asesu dichonoldeb ariannol cynnig o ddatblygiad. I gael copi o’r MDD sy’n benodol o ran safleoedd, ynghyd â’r canllaw i ddefnyddwyr a fideos, neu i drafod unrhyw faterion mewn perthynas â’r MDD, cysylltwch â ni trwy ldp@torfaen.gov.uk.
Mae’r ffioedd ar gyfer copi o’r MDD fel a ganlyn:
Cynlluniau Preswyl
- 1-9 annedd - £195 +TAW (£234)
- 10-50 anheddau - £345 +TAW (£414)
- 51-100 anheddau - £495 +TAW (£594)
- 101-150 anheddau - £595 +TAW (£714)
- 151-250 anheddau - £650 +TAW (£780)
- 251-350 anheddau - £750 +TAW (£900)
- 351-450 anheddau - £850 +TAW (£1,020)
- 451-550 anheddau - £950 +TAW (£1,140)
- 551-650 anheddau - £1,050 +TAW (£1,260)
- 651-750 anheddau - £1,150 +TAW (£1,380)
- 751-850 anheddau - £1,250 +TAW (£1,500)
- 851-950 anheddau - £1,350 +TAW (£1,620)
- Dros 950 o anheddau - £ i'w gytuno gyda'r Cyngor yn dibynnu ar faint / cymhlethdod y cynnig
Cynlluniau Masnachol
- Llai na 0.4ha - £195 +TAW (£234)
- 0.4ha to <2.0ha - £345 +TAW (£414)
- 2.0ha to <4.0ha - £495 +TAW (£594)
- Dros 4ha - £ i'w gytuno gyda'r Cyngor yn dibynnu ar faint / cymhlethdod y cynnig
Tâl Gweinyddu a Monitro ar gyfer Cytundebau S106 / Safonau Lefel Gwasanaeth
Mae'r Cyngor ar 28 Mehefin 2011 wedi penderfynu cyflwyno system ffioedd ar wahân sy'n berthnasol i geisiadau cynllunio sy'n galw am brosesu a monitro cytundeb cyfreithiol Adran 106, a chyhoeddi ei Safonau Lefel Gwasanaeth cysylltiedig. Bydd y ffi a godir yn cyfrannu at yr adnoddau gweinyddol a phroffesiynol sy'n ofynnol yn yr Adran Gynllunio i ddarparu'r gwasanaeth cynllunio. Mae’r Tâl Gweinyddu a Monitro ar gyfer Cytundebau S106 a Safonau Lefel Gwasanaeth S106 ar gael i’w lawr lwytho.
Rhestr Atodiad 2 o Ganllawiau Cynllunio Atodol y Cynllun Datblygu Lleol a Fabwysiadwyd i Dorfaen, a Dynnwyd Yn Ôl gan y Cyngor ym mis Chwefror 2024:
- Strategaeth Ddylunio Ystâd Ddiwydiannol Avondale Road, Gorffennaf 2002
- Cynllun Cadwraeth Blaenafon 2003
- Brif Ddatblygu Clarence Corner 2003
- Strategaeth Tir a Mannau Agored y Cyngor
- Datblygiad a’i ymgorfforiad yn y Dirwedd, Chwefror 2000
- Canllawiau Dylunio Ystâd Ddiwydiannol Gilchrist Thomas
- Datganiad Polisi Henllys, Mai 1993
- Cymeriadu’r Dirwedd Hanesyddol (Blaenafon) – Canllawiau Gwent
- Datganiad Polisi Drafft Pentwyn, Tachwedd 1992
- Strategaeth Ddylunio Ystadau Diwydiannol Tir Polo a De Pont-y-pŵl, Gorffennaf 2002
- Aneddiadau Newydd yng Nghefn Gwlad, Rhagfyr 2004
- Adeiladau Dros Dro
- Brif Datblygu Safle’r Popty, Rhagfyr 2004
- Brif Datblygu Ysgol Gymunedol Trefddyn, Tachwedd 2011
Rhagor o Wybodaeth
Gallwch gael rhagor o wybodaeth ynghylch y CCAau trwy gysylltu â'r tîm Blaengynllunio neu'r tîm Rheoli Datblygu yn Nhorfaen.
Diwygiwyd Diwethaf: 18/04/2024
Nôl i’r Brig