Cwestiynau Cyffredin

A yw'n fwriad i adolygu’r terfyn cyflymder o 20mya yn Nhorfaen?

Mae Llywodraeth Cymru wedi cyhoeddi ei bod yn adolygu'r ddeddfwriaeth terfyn cyflymder diofyn o 20mya ac yn disgwyl cyhoeddi canllawiau newydd i awdurdodau lleol ym mis Gorffennaf eleni.

Nid oes cynlluniau i newid y terfyn cyflymder diofyn yng Nghymru, ond gallai'r canllawiau newydd olygu y bydd cyfyngiadau cyflymder ar rai ffyrdd yn Nhorfaen yn cael eu haddasu.

Disgwylir i'r broses o addasu unrhyw derfynau cyflymder yng Nghymru ddechrau o fis Medi, ond bydd hyn yn ddibynnol ar gyllid, adnoddau a chwblhau proses ymgynghori statudol.

Os ydych chi'n credu y dylid cynyddu neu ostwng y terfyn cyflymder ar ffordd yn Nhorfaen, cysylltwch ar 20mphenquiries@torfaen.gov.uk gan esbonio'r rhesymau dros y newid. Ni fyddwn yn gallu ystyried unrhyw geisiadau i gael gwared yn llwyr ar y terfyn cyflymder diofyn o 20mya.

A fydd yn rhaid i'r cyngor dalu am gyflwyno unrhyw derfynau cyflymder newydd?

Na, mae Llywodraeth Cymru wedi dweud y bydd yn ariannu'r gost o addasu unrhyw derfynau cyflymder yn yr un ffordd ag y talodd am gost cyflwyno'r 20mya diofyn.

A fyddaf yn dal i gael dirwy os na fyddaf yn cadw at y terfyn newydd?

Mae GoSafe a phartneriaid yr heddlu yn defnyddio cyfuniad o waith ymgysylltu a gorfodi.

Mae mwy o wybodaeth ar gael ar wefan GoSafe. 

Beth os ydw i'n meddwl bod terfyn anghywir ar ffordd?

Ni wnaeth pob ffordd 30mya newid i 20mya ym mis Medi 2023.

Gallwch weld y rhestr o eithriadau 30mya yn Nhorfaen yma ar safle Map Data Cymru

Os ydych chi'n teimlo y dylai ffordd 20mya fod yn 30mya, neu i'r gwrthwyneb, gallwch gysylltu â 20mphenquiries@torfaen gan esbonio'r rhesymau dros y newid.

Bydd y broses o adolygu terfynau cyflymder yn Nhorfaen yn dechrau ar ôl i ganllawiau newydd Llywodraeth Cymru gael eu cyhoeddi yn yr haf.

Sut ydw i'n gwybod a yw ffordd yn 20mya?

Os ydych yn gyrru mewn ardal breswyl neu adeiledig, a bod goleuadau stryd yno, gyrrwch ar 20mya oni bai eich bod yn gweld arwydd yn dweud fel arall.

Mae arwyddion cyflymder wrth gychwyn i mewn i ardal, yn arwyddion mwy a welir wrth i chi fynd i mewn i ardal sydd â gwahanol derfyn cyflymder, i ddangos y cyflymder cywir yn glir.

Ni chaniateir arwyddion ailadroddus mwyach, sef yr arwyddion cylch bach a welir yn aml ar oleuadau stryd, ar ffyrdd lle mae'r terfyn cyflymder diofyn yn 20mya.  

Mewn unrhyw ardaloedd 20mya heb oleuadau stryd, mae arwyddion ychwanegol i nodi'r terfyn cyflymder.

Pam y newidiwyd y terfyn cyflymder diofyn? 

Cyflwynwyd y terfyn cyflymder 20mya diofyn newydd ym mis Medi 20203, i wneud ffyrdd yn fwy diogel, lleihau gwrthdrawiadau ar y ffyrdd, annog mwy o bobl i gerdded a beicio, gwella iechyd a lles ac i ddiogelu'r amgylchedd ar gyfer cenedlaethau'r dyfodol. 

Pa effaith mae'r terfyn cyflymder newydd wedi'i gael? 

Mae data cynnar a gyhoeddwyd gan Drafnidiaeth Cymru ym mis Chwefror 2024 yn dangos bod cyflymderau wedi gostwng 4mya ar gyfartaledd ers cyflwyno'r cynllun cenedlaethol..

Mae'r monitro'n parhau a chyhoeddir y canlyniadau pan fyddant ar gael. 

Diwygiwyd Diwethaf: 06/06/2024 Nôl i’r Brig