Wedi ei bostio ar Dydd Gwener 20 Ionawr 2023
Mae dod yn rhiant yn amser cyffrous ond mae’n gallu bod yn frawychus, yn enwedig i unrhyw un sy’n cael trafferth gyda’u hiechyd meddwl ac emosiynol.
Dyma oedd sefyllfa Andrew Hamar, o Bont-y-pŵl, pan ddaeth y dad i William sy’n chwe mis oed.
Roedd Andrew, 38, yn dioddef pryder ar ôl colli ei lys-dad a chael amser trawmatig gyda’i bartner wrth geisio cael babi.
Ond, diolch i ymwelydd iechyd y teulu, cafodd Andrew ei gyfeirio at raglen I Dadau Gan Dadau Cyngor Torfaen, sy’n cefnogi tadau newydd a’r rheiny sy’n disgwyl.
Mae gweithdai’r rhaglen 10 wythnos yn cynnig cymorth a chyngor ar bynciau fel iechyd a lles, gwybodaeth am fydwragedd ac ymwelwyr iechyd a phroblemau iechyd meddwl.
Dywedodd Andrew: “Roedd y gweithdai’n ddymunol ac yn ysgogi’r meddwl. Roedd deinameg y grŵp yn galluogi pawb i siarad yn agored ynglŷn â sut roedden nhw’n teimlo, sut maen nhw wedi cael eu heffeithio gan bethau a pha rwystrau posibl y gallan nhw fod yn wynebu wrth fod yn dad newydd.
“Roedd yn gwneud i mi deimlo barod i ddelio â’r da a’r drwg o fod yn dad newydd, a’r cyfan mewn amgylchedd cyfeillgar a chroesawgar.”
Ers cwblhau’r rhaglen, mae Andrew a’i bartner wedi ymrwymo i ddatblygu ffordd iach o fyw iddyn nhw a’u mab.
Cofrestrodd Andrew hefyd ar gyfer cwrs Cylch Diogelwch y cyngor, sy’n ceisio datblygu perthnasau iach rhwng rheini a phlant.
Ychwanegodd Andrew: “Rwy’n ddiolchgar iawn i Jacob a Gareth sy’n trefnu rhaglen I Dadau Gan Dadau am yr holl amser y maen nhw wedi rhoi i’n cefnogi ni i gyd
“Rwy’n teimlo’n barod ac yn hyderus ynglŷn â bod yn dad newydd, ac mae’r rhaglen wedi achosi i mi feddwl ychydig yn fwy am yr hyn yr wyf am wneud gyda fy mywyd.”
Bydd rhaglen nesaf I Dadau, Gan Dadau yn dechrau ar ddydd Iau, 9 Chwefror, 7pm yng Nghanolfan Byw’n Egnïol Pont-y-pŵl.
I gofrestru, gall tadau newydd a’r rheiny sy’n disgwyl, gwblhau’r ffurflen ar-lein
Am fwy o wybodaeth am y rhaglen, ffoniwch 07980682256 neu e-bostiwch
Jacob.guy@torfaen.gov.uk