Grantiau Cymunedol

Cronfa ‘Trailblazer’ 2026/2027

Mae Cyngor Bwrdeistref Sirol Torfaen yn gwahodd ceisiadau gan grwpiau a mudiadau cymunedol am grantiau o hyd at £20,000 trwy Gronfa o’r enw ‘Trailblazer’. Mae'r gronfa hon yn rhoi cymorth ariannol i brosiectau sy'n cefnogi partneriaid cyflenwi lleol i dreialu a gweithredu dulliau arloesol sy'n ymgysylltu â thrigolion economaidd anweithgar ac yn helpu i chwalu’r rhwystrau i gyfranogiad, llesiant, a dilyniant tuag at ddysgu, gwirfoddoli neu gyflogaeth.

Rhaid i brosiectau gefnogi oedolion sy’n:

• Economaidd anweithgar (y rheiny rhwng 16 a 64 oed sydd heb swydd, sydd heb fynd ati’n weithgar i chwilio am waith yn ystod y pedair wythnos ddiwethaf, a/neu sydd ddim ar gael i ddechrau gweithio yn y pythefnos nesaf), ac
• Yn wynebu rhwystrau iechyd, llesiant, hyder, cymdeithasol neu ymarferol sy’n eu hatal rhag gweithio.

Rydyn ni eisiau archwilio ffyrdd arloesol o gefnogi trigolion sydd allan o waith oherwydd rhwystrau iechyd a llesiant, gan gynnwys:

• Cyflyrau cardiofasgwlaidd
• Diabetes
• Iselder a gorbryder
• Ynysu cymdeithasol a diffyg hyder

Pwy sy’n gallu ymgeisio?

Anogir grwpiau cymunedol, mudiadau gwirfoddol, ac elusennau lleol sy'n gweithredu yn Nhorfaen i gyflwyno cais. Dylai prosiectau ddangos budd cymunedol clir a bodloni'r meini prawf cymhwystra a amlinellir yng nghanllawiau'r Gronfa sydd yn y pecyn ymgeisio.

Sesiynau Gwybodaeth Ychwanegol

Bydd sesiwn ar-lein yn cael ei threfnu ar gyfer y dyddiadau canlynol:

• 1 Gorffennaf 2026 - 10am
• 17 Gorffennaf 2026 - 10am

Os hoffech ddod i’r naill sesiwn neu'r llall, rhaid i chi gofrestru eich diddordeb trwy anfon neges e-bost i CommunityResilienceGrants@torfaen.gov.uk gyda'r wybodaeth ganlynol:

• Dyddiad y sesiwn yr ydych yn ei dymuno
• Enw'r mudiad
• Enw'r un fydd yn dod i’r sesiwn
• Cyfeiriad e-bost ar gyfer y gwahoddiad

Sut i ymgeisio

Dylid cyflwyno ceisiadau gan ddefnyddio'r ffurflen gais swyddogol, sydd ar gael yn y pecyn ymgeisio isod. Sicrhewch eich bod yn darllen y pecyn cais i sicrhau eich bod yn darparu'r holl ddogfennaeth a manylion am eich prosiect y gofynnir amdanynt ar y ffurflen gais.

Bydd gofyn i geisiadau gan grwpiau cymunedol a mudiadau elusennol ddarparu'r ddogfennaeth ganlynol i gefnogi cynnydd y cais:

• Copi o'ch cyfrifon diweddaraf
• Mantolen banc ddiweddar (llai na 3 mis oed)
• Copi o'ch cyfansoddiad neu femorandwm
• Polisi Diogelu
• Polisi Gwirfoddoli
• Manylion yswiriant

Gwneud cais am Gronfa Trailblazer 2026/2027

Dyddiad cau ar gyfer derbyn ceisiadau

Ceir manylion y dyddiad cau ar gyfer cyflwyno ceisiadau wedi'u llenwi, gan gynnwys yr holl ddogfennau ategol, isod 8 a.m. Dydd Llun 3 Awst 2026

Ni fydd ceisiadau a dderbynnir ar ôl y dyddiad cau yn cael eu hystyried.  Bydd ceisiadau sy'n dal i fod yn anghyflawn 5 niwrnod gwaith ar ôl y dyddiad cau a nodwyd, yn cael eu tynnu oddi ar restr y Panel ac ni fyddant yn cael eu hystyried.  Mae hyn yn cynnwys ceisiadau lle nad yw unrhyw un/rai o'r dogfennau ategol y gofynnwyd amdanynt wedi cael eu cyflwyno. 

Am ragor o wybodaeth ynglŷn â'r Grantiau ‘Trailblazer’, anfonwch neges trwy e-bost i: CommunityResilienceGrants@torfaen.gov.uk