Wedi ei bostio ar Dydd Gwener 13 Hydref 2023
Mae Llyfrgelloedd Torfaen wedi cyhoeddi enillwyr Her Darllen yr Haf ‘Ar eich Marciau, Darllenwch!', a welodd dros 1000 o blant yn cymryd rhan yr haf yma.
Gwahoddodd llyfrgelloedd blant 4-11 oed i blymio i fyd llyfrau, trwy ddarllen chwech neu fwy o lyfrau o’u dewis dros wyliau’r haf.
Cafodd enillydd eleni, Lily Williams, sy’n 10 oed, daleb gwerth £100 ar gyfer siop deganau Smyths ar ôl i’w henw gael ei ddewis ar hap o blith restr o 400 o blant a gwblhaodd yr her.
Cyflwynwyd y daleb i Lily, sy’n ddisgybl yn Ysgol Gynradd Treftadaeth Blaenafon, ynghyd â thystysgrif a medal o flaen yr ysgol gyfan.
Enillodd Finlay Stephens, sy’n ddwy oed, yr her fach cyntaf erioed, gan dderbyn sach o lyfrau ac offerynnau cerdd yn ystod ymweliad â Llyfrgell Cwmbrân.
Mae Her Darllen yr Haf, dan ofal The Reading Agency, ar y cyd â llyfrgelloedd ac Ymddiriedolaeth Chwaraeon Ieuenctid, nid yn unig yn annog plant i chwilota mewn llyfrau, ond mae hefyd yn datblygu cariad oes at ddarllen.
I gyd-fynd â’r Her, a ddechreuodd yng Ngorffennaf, bu Llyfrgelloedd Torfaen yn cynnal nifer o sesiynau stori a chân, crefftau, gweithgareddau a chlybiau Lego, gan greu awyrgylch bywiog ar gyfer darllen.
Dywedodd y Cynghorydd Peter Jones, Aelod Gweithredol Cyngor Torfaen dros Lywodraeth Gorfforaethol a Pherfformiad: "Roedd staff yn ein llyfrgelloedd wrth eu bodd gyda nifer y plant a wynebodd yr her eleni, gyda mwy nag erioed o’r blaen yn cymryd rhan.
Llongyfarchiadau i Lily a Finlay am ennill her eleni, mae eu cariad at ddarllen yn ysbrydoledig. Maen nhw’n gosod esiampl wych i ddarllenwyr ifanc eraill yn ein cymuned."
Am fwy o wybodaeth am Lyfrgelloedd Torfaen a digwyddiadau sydd ar y gweill, cysylltwch â: Llyfrgelloedd Torfaen trwy 01633 647676 neu ewch i dudalen Facebook Llyfrgelloedd Torfaen