Wedi ei bostio ar Dydd Mercher 22 Mehefin 2022
Mae elusen sy’n cefnogi pobl ag awtistiaeth ac anableddau dysgu wedi agor siop newydd yn gwerthu ffrwythau a llysiau ffres.
Mae Able, yng Nghwmbrân, yn cynnig ystod o wasanaethau dydd, gan gynnwys prosiect garddio.
Mae’r tîm y tu ôl i hyn nawr wedi agor Siop Gynaliadwy newydd i werthu eu cynnyrch i’r gymuned leol, diolch i grant Cynllun Bwyd Cymunedol o £10,000.
Meddai’r cyfarwyddwr Shaun O'Dwyer: "Diolch i’r grant, rydym wedi gallu sefydlu ein siop ffrwythau a llysiau cynaliadwy a chynyddu ein gallu i dyfu ar y safle yng Nghwmbrân Uchaf.
"Bydd hyn nid yn unig yn caniatáu i’r gymuned gael cynnyrch ffres fforddiadwy, mae hefyd wedi ein galluogi i greu micro-fenter i’r bobl rydym yn eu cefnogi. Ein dyhead yw creu cyfleoedd gwirioneddol fel hyn i’n cleientiaid yn Able."
Yn gynharach eleni, dyfarnodd Cyngor Torfaen chwech o grantiau Cynllun Bwyd Cymunedol i sefydliadau trydydd sector fel rhan o fenter Food4Growth Cyngor Torfaen, a roddodd hefyd grantiau i dri busnes gwledig i’w helpu nhw i arallgyfeirio eu cynnyrch.
Mae 10 grant arall o hyd at £15,000 nawr ar gael i grwpiau cymunedol, elusennau neu wasanaethau sector cyhoeddus i ariannu syniadau prosiect newydd gyda’r nod o drechu tlodi bwyd yn Nhorfaen.
Dywedodd Tracey Marsh, Swyddog Datblygu Prosiectau Bwyd Cyngor Torfaen: "mae gennym ddiddordeb arbennig mewn clywed am brosiectau sy’n cysylltu gyda gwasanaethau lles lleol, annog tyfu bwyd yn lleol neu ddod ag elfen ffres i brosiectau neu wasanaethau presennol.
"Er enghraifft, mae’r siop gynaliadwy nid yn unig yn cynorthwyo gyd datblygu sgiliau pobl, mae hefyd yn cysylltu pobl o bob oedran ac yn rhoi cyfle i drigolion lleol brynu bwyd maethlon a fforddiadwy."
Rhaid cyflwyno ceisiadau erbyn hanner dydd ar ddydd Gwener 8 Gorffennaf a rhaid cwblhau pob prosiect erbyn diwedd mis Mai y flwyddyn nesaf.
I gael rhagor o wybodaeth a phecyn gwneud cais, cysylltwch â:
Tracey Marsh, Swyddog Datblygu Prosiectau Bwyd ar 07903 337507 neu ebost tracey.marsh@torfaen.gov.uk
Nikki Williams, Rheolwr Datblygu Gwledig ar 01495 742147 neu ebost nikki.williams@torfen.gov.uk
Mae prosiect Food4Growth yn cynnal pythefnos o ddigwyddiadau ym Marchnad Dan Do Pont-y-pŵl o’r wythnos nesaf ymlaen gyda’r bwriad o gefnogi busnesau bwyd ledled Torfaen, yn ogystal â grwpiau cymunedol sy’n cefnogi pobl mewn tlodi bwyd. Dilynwch @pontypoolindoormarket neu @torfaencouncil trwy’r cyfryngau cymdeithasol.
Mae’r Siop Gynaliadwy wedi ei lleoli yng Nghanolfan Nant Bran, Cwmbrân Uchaf, ac mae ar agor o ddydd Llun i ddydd Gwener, rhwng 10am a 12pm a rhwng 1pm a 2.30pm. Derbynnir arian parod, cardiau a thocynnau Cychwyn Iach.