Grant Datblygu Busnes Bwyd

Nod y grantiau hyn yw cefnogi busnesau bwyd lleol i amrywio’u cynnyrch, prosiectau gwerth ychwanegol, gwella eu gweithrediadau, archwilio technegau cynhyrchu newydd, a chyfrannu at ddatblygu economi fwyd gynaliadwy.

Mae gan Gyngor Bwrdeistref Sirol Torfaen gyfle gwych i fusnesau bwyd sefydledig wneud cais am grantiau hyd at £15,000.

Pwy all wneud cais?

• Busnesau Bwyd Sefydledig wedi'u lleoli yn Nhorfaen sy’n masnachu ers o leiaf 6 mis.
• Busnesau bwyd sydd â sgôr Hylendid Bwyd o 4 neu uwch

Meini prawf

Bydd angen i fusnesau ddangos sut mae eu prosiect yn cyfrannu at un neu fwy o'r Blaenoriaethau Bwyd Da Torfaen canlynol.

1. Ein hiechyd
2. Ein Cymuned
3. Ein Swyddi
4. Ein Haddysg
5. Ein Dyfodol

Bydd gofyn i bob ymgeisydd gyflwyno Cynllun Busnes perthnasol i gefnogi eu cais.

Er bod y grant hwn yn agored i bob busnes bwyd, nid yw’n cefnogi prosiectau sydd wedi'u hanelu at gynyddu cynhyrchu bwyd sy'n uchel mewn braster, halen a siwgr.

Gweithgareddau Cymwys

Gallwn gefnogi ystod o brosiectau gan gynnwys:

• Adeiladau newydd/gwell
• Hyfforddiant a Datblygu
• Offer, gan gynnwys TG
• Marchnata
• Nwyddau Gwyn
• Datblygu Cynnyrch

Gellir ystyried eitemau eraill

Costau'r Prosiect

Cyllid Cyfalaf a Refeniw, uchafswm o £15,000.

Mae pob grant yn gofyn am o leiaf 20% o arian cyfatebol gan yr ymgeisydd.

Sut mae'n gweithio?

Bydd angen i'r rhai sy'n gwneud cais i fod yn rhan o'r cynllun hwn ddod â syniad arloesol sy'n cefnogi datblygiad eich busnes bwyd ac yn dangos bod manteision clir a chanlyniadau cynaliadwy i'r prosiect.

Byddwch yn gyfrifol am reoli a rhedeg y prosiect. Bydd gofyn i chi ddangos tystiolaeth o'r holl wariant ar y prosiect.

Amserlenni Ymgeisio

Dylid cwblhau ceisiadau a'u cyflwyno ynghyd â Chynllun Busnes ategol erbyn 5pm ddydd Llun 9 Mehefin 2025. Bydd penderfyniadau'n cael eu gwneud gan banel allanol. Rhaid cwblhau pob prosiect erbyn 31 Ionawr 2026.

Cysylltu â ni

I gael rhagor o wybodaeth a ffurflen gais, cysylltwch â businessdirect@torfaen.gov.uk neu ffoniwch 01633 648735.