Ysgolion Cynradd Gwirfoddol a Gynorthwyir
Mae yna 5 Ysgol Gynradd Wirfoddol a Gynorthwyir sy’n Ysgolion Ffydd yn Nhorfaen;
- Ysgol Gynradd Gatholig Dewi Sant, Cwmbrân
- Ysgol Gynradd Gatholig Mair a’r Angylion, Cwmbrân
- Ysgol Gynradd Gatholig Padre Pio, Pont-y-pŵl
- Ysgol Gynradd yr Eglwys yng Nghymru Henllys
- Ysgol Gynradd yr Eglwys yng Nghymru Ponthir
Yn wahanol i'r blynyddoedd blaenorol, dylid cyflwyno pob cais am le mewn Dosbarth Derbyn yn y rownd derbyn arferol i'r Cyngor, hyd yn oed os yw un o'r ysgolion a ffefrir gennych yn ysgol ffydd.
Rhaid i bob Ysgol Wirfoddol a Gynorthwyir dderbyn hyd at ei nifer derbyn. Os bydd nifer y ceisiadau'n fwy na nifer y lleoedd sydd ar gael, caiff lleoedd eu dyrannu'n unol â'r meini prawf gormod o geisiadau y mae pob ysgol wedi cytuno arnynt. Fel arfer, caiff y dewis cyntaf ei gynnig ar sail crefydd, lleoliad y cartref, brodyr a chwiorydd ac ati. (gweler protocol y cynllun cydlynu trefniadau derbyn am fanylion pellach).
Dylid cyflwyno ceisiadau meithrin ac yn ystod y flwyddyn ar gyfer ysgol ffydd yn uniongyrchol i’r ysgol berthnasol.
Ysgol Uwchradd Wirfoddol a Gynorthwyir
Ysgol Gatholig Sant Alban yw’r ddarpariaeth Uwchradd Gatholig ranbarthol ar gyfer Torfaen. Dylid gwneud ceisiadau i Ysgol Uwchradd Gatholig Sant Alban yn uniongyrchol trwy eu gwefan - www.stalbans-pontypool.org.uk (yn agor mewn tab newydd)
Mae manylion am enwau a chyfeiriadau ysgolion gwirfoddol a gynorthwyir, eu polisïau derbyn a manylion am bolisi cludiant yr Awdurdod yn ymwneud ag ysgolion gwirfoddol a gynorthwyir ar gael yn y Polisi Derbyn Torfaen.