Panel Pobl Torfaen

Mae Panel y Bobl Torfaen yn cynnwys trigolion o wahanol oedran a chefndiroedd o bob cwr o’r fwrdeistref a’i nod yw cynrychioli poblogaeth Torfaen o ran rhywedd, ethnigrwydd a daearyddiaeth.

Mae Panel y Bobl Torfaen yn rhoi cyfle i drigolion i lunio sut cyflenwir gwasanaethau cyhoeddus yn lleol naill ai gan y Cyngor neu gan bartneriaid Bwrdd Gwasanaethau Cyhoeddus Gwent.

Gall aelodau’r Panel gymryd rhan mewn nifer o wahanol ffyrdd a phenderfynu ar lefel eu cyfranogiad. Gall aelodau:

• Gyfrannu at ymgynghoriadau
• Mynychu grwpiau ffocws/trafodaeth
• Gweithio gyda sefydliadau i lunio polisi a chyflenwi gwasanaeth
• Gwneud sylwadau ar bolisïau
• Gwneud sylwadau ar strategaethau
• Cymryd rhan ym mhrosesau craffu’r cyngor

I gael rhagor o wybodaeth ar Fwrdd Gwasanaethau Cyhoeddus Gwent, ewch i’w gwefan www.gwentpsb.org (yn agor mewn tab newydd).

Strategaeth Cyfranogiad y Cyhoedd

Rydym yn gwerthfawrogi barn pobl sy'n byw ac yn gweithio yn Nhorfaen. Mae ein meysydd gwasanaeth yn annog aelodau'r gymuned i gymryd rhan weithredol yn y broses o wneud penderfyniadau, a defnyddio eu barn a'u profiadau i lywio cynlluniau, polisïau a chamau gweithredu.