Ceisiadau ar gyfer Unigolion sy'n wynebu caledi neu argyfwng ariannol
Gall unigolion sy'n wynebu caledi neu argyfwng ariannol hefyd wneud cais am gymorth drwy Gronfa Eglwysi Cymru drwy gysylltu â'r Tîm Gofal Cwsmeriaid ar 01495 762200. Byddant yn cael eu cyfeirio at yr Hwb Atal ac Ymyrraeth Gynnar i gael asesiad, ac er mwyn ystyried eu hanghenion. Bydd angen i ymgeiswyr unigol ddangos tystiolaeth o incwm a gwariant i gefnogi'r cais.
Ceisiadau ar gyfer sefydliadau cymunedol
Nid ydym yn derbyn ceisiadau am gyllid ar gyfer sefydliadau cymunedol drwy Gronfa Eglwysi Cymru ar hyn o bryd. Os bydd cyllid ar gael i sefydliadau cymunedol, bydd manylion y canllawiau a'r broses ymgeisio ar gael ar y dudalen.