Mae Cyngor Bwrdeistref Sirol Torfaen yn gwahodd ceisiadau gan grwpiau a sefydliadau cymunedol ar gyfer grantiau o hyd at £10,000 drwy Raglen Grantiau Cymunedol GCT. Mae'r gronfa hon yn darparu cymorth ariannol i brosiectau sy'n chwarae rhan hanfodol wrth gefnogi trigolion sy'n profi ansefydlogrwydd tai, sydd mewn perygl o ddigartrefedd neu sy'n profi cyfnod o ddigartrefedd.
Mae Rhaglen Grant Cymunedol GCT wedi'i hanelu at grwpiau lleol i gefnogi'r gwaith o ddatblygu atebion ymyrraeth gynnar ac atal i fynd i'r afael ag ansefydlogrwydd tai a digartrefedd.
Bydd grantiau’n ariannu ymyrraeth gynnar, gweithgareddau cymunedol neu gynlluniau sy'n ategu gwasanaethau presennol ac yn cryfhau gallu lleol i ymateb i ddigartrefedd ac ansefydlogrwydd tai.
Rhaid i brosiectau gefnogi oedolion 16 oed neu'n hŷn.
Cyllid ar gael
Uchafswm y grant: £10,000
Isafswm y grant: £ 1,000
Cyfnod y rhaglen: 1af Hydref 2026 tan 31ain Mawrth 2027
Pwy all wneud cais?
Anogir grwpiau cymunedol, mudiadau gwirfoddol, ac elusennau lleol sy'n gweithredu yn Nhorfaen i wneud cais. Dylai prosiectau ddangos budd cymunedol eglur a dylent fodloni'r meini prawf cymhwysedd a amlinellir yn y canllawiau sydd i'w gweld fel rhan o'r pecyn cais.
Sut i wneud cais
Dylid cyflwyno ceisiadau gan ddefnyddio'r ffurflen gais swyddogol.
Gwnewch yn siŵr eich bod yn darllen y pecyn cais yn llawn i ddeall gofynion y rhaglen grant a’ch bod yn gallu darparu'r holl ddogfennau a manylion am eich prosiect.
Bydd angen i geisiadau gan grwpiau cymunedol a sefydliadau elusennol ddarparu'r dogfennau canlynol i gefnogi’r cais:
- Copi o’ch cyfrifon diweddaraf
- Datganiad banc diweddar (dyddiad yn y tri mis diwethaf)
- Copi o’ch cyfansoddiad neu femorandwm
- Polisi Diogelu
- Polisi Gwirfoddolwyr
- Manylion yswiriant – yn y ffurflen gais
Sesiynau Gwybodaeth Ychwanegol
Bydd un sesiwn ar-lein yn cael ei drefnu ar gyfer y dyddiad canlynol:
- 23ain Gorffennaf 2026 2-3pm
Bydd un sesiwn byw yn cael ei drefnu
- 30 Gorffennaf 3pm – 5pm – Ty Panteg, Heol Greenhill, Griffithstown, Pont-y-pŵl, NP4 5BED
I ddod i un sesiwn neu’r llall, cofrestrwch trwy e-bostio CommunityResilienceGrants@torfaen.gov.uk (yn agor mewn tab newydd) gyda’r wybodaeth ganlynol:
- Dyddiad y sesiwn gofynnir amdano
- Enw’r sefydliad
- Enw’r sawl a fydd yn bresennol
- Cyfeiriad e-bost ar gyfer y gwahoddiad
Dyddiad cau ceisiadau
Mae manylion y dyddiad cau ar gyfer cyflwyno ceisiadau wedi'u cwblhau, gan gynnwys yr holl ddogfennau ategol isod: 8 a.m. Dydd Llun 17eg Awst 2026
Ni ellir ystyried ceisiadau a dderbynnir ar ôl y dyddiad cau. Bydd ceisiadau sy'n parhau i fod yn anghyflawn 5 diwrnod gwaith ar ôl y dyddiad cau’n cael eu tynnu oddi ar restr y Panel ac ni ellir eu hystyried. Mae hyn yn cynnwys ceisiadau lle nad yw unrhyw un o'r dogfennau ategol gofynnol wedi'u cyflwyno.
I gael rhagor o wybodaeth am Raglen Grant Cymunedol GCT, danfonwch e-bost at: CommunityResilienceGrants@torfaen.gov.uk (yn agor mewn tab newydd)