Pwy yw gofalwr di-dâl?
At ddibenion y dreth gyngor, gofalwr di-dâl yw rhywun sy'n darparu gofal heb gael ei dalu.
Efallai y cewch eich dosbarthu fel gofalwr di-dâl os ydych chi:
- Byw yn yr un cartref â'r person rydych chi'n gofalu amdano
- Darparu gofal am o leiaf 35 awr yr wythnos
- Nad ydych yn briod â'r person rydych chi'n gofalu amdano, neu mewn perthynas â'r person rydych chi'n gofalu amdano
- Ddim yn rhiant sy'n gofalu am blentyn o dan 18 oed
Nid oes angen i chi hawlio Lwfans Gofalwr i gael y gostyngiad hwn.
Nid yw eich incwm neu gynilion yn effeithio ar a allwch fod yn gymwys.
Os yw mwy nag un gofalwr di-dâl yn byw yn yr eiddo, gallwch gael hyd at 25% oddi ar fil y dreth gyngor, cyn belled â bod yr holl feini prawf cymhwysedd wedi'u bodloni a phob gofalwr yn cwblhau ffurflen gais.
Gwneud cais
Cyn i chi ddechrau, gwnewch yn siŵr bod y canlynol gennych chi.
Bydd angen i chi ddangos prawf bod y person rydych chi'n gofalu amdano yn cael un o'r budd-daliadau a restrir isod:
- Y gyfradd ganol neu uwch o elfen gofal Lwfans Byw i'r Anabl
- Yr elfen byw bob dydd o'r Taliad Annibyniaeth Personol ar unrhyw gyfradd
- Lwfans Gweini ar unrhyw gyfradd
- Taliad Annibyniaeth y Lluoedd Arfog
- Y gyfradd uchaf o Lwfans Gweini Cyson
- Cyfradd uwch mewn pensiwn anabledd