Er 2022, mae Cyngor Bwrdeistref Sirol Torfaen wedi cefnogi pobl sy'n ffoi rhag y rhyfel yn y Wcráin, drwy gynllun Llywodraeth y DU, Cartrefi i Wcráin, gan weithio gyda Llywodraeth y DU, Llywodraeth Cymru a phartneriaid lleol.
Mae'r cynllun yn galluogi unigolion, elusennau, grwpiau cymunedol a busnesau i gynnig llety a darparu llwybr i ddiogelwch i bobl o Wcráin.
Isod, mae rhagor o fanylion am y cynllun a rôl y cyngor.
Mae Cartrefi i Wcráin yn gynllun fisa ar gyfer dinasyddion Wcráin ac aelodau eu teuluoedd agos a oedd yn byw yn Wcráin cyn 1 Ionawr 2022. Mae'n caniatáu iddynt ddod i'r DU a byw gyda noddwr a enwir.
Mae ceisiadau am fisa yn cael eu rheoli gan Lywodraeth y DU. Mae'r cyngor yn cynnal gwiriadau lleol, cefnogaeth, a chymorth dilynol unwaith y bydd lleoliad yn cael ei gymeradwyo.
Gwirio lletyau a chynnal gwiriadau diogelu cyn iddynt gyrraedd
Rhoi cymorth cychwynnol unwaith y bydd gwesteion yn cyrraedd
Helpu gwesteion i gael gofal iechyd, addysg a gwasanaethau lleol
Cynnig cyngor os bydd trefniadau lletya yn newid neu'n dod i ben
Gweithio gyda phartneriaid i gefnogi integreiddio yn eu cymunedau
Gallwch wneud cais i ddod yn noddwr os ydych chi'n gallu cynnig cartref diogel ac addas i rywun o Wcráin a chefnogi eu cais am fisa.
Rhaid eich bod yn:
18 oed neu hŷn
Dinesydd Prydeinig neu Wyddelig, neu rhaid bod gennych statws sefydlog yn y DU
Gallu darparu llety am o leiaf chwe mis
Cytuno i wiriadau’r cyngor o ran llety a diogelu
Mae rheolau cymhwysedd yn cael eu pennu’n genedlaethol ac maent yn berthnasol ledled Cymru.
Rhaid i lety fod yn ddiogel, yn lân ac mewn cyflwr da, gyda digon o le ar gyfer nifer y bobl sy'n cael eu lletya. Rhaid bod ganddynt fynediad at gegin, ystafell ymolchi a chyfleusterau byw. Bydd y cyngor yn trefnu i wirio lletyau cyn i westeion gyrraedd.
Os na allwch noddi rhywun drwy'r broses fisa, ond gallwch gynnig llety, gallwch gofrestru Mynegiant o Ddiddordeb i weithredu fel gwesteiwr yn unig.
Mae Mynegiant o Ddiddordeb yn eich galluogi i ddweud wrth Lywodraeth y DU a'r cyngor bod gennych lety ar gael. Rydych chi'n fodlon croesawu rhywun o Wcráin ond nid oes gennych enw person neu deulu i'w noddi ar hyn o bryd.
Defnyddir Mynegiannau o Ddiddordeb yn aml i gefnogi:
pobl sydd eisoes yn y DU y mae eu lleoliad yn dod i ben
ail-ganfod man lle mae angen i’r gwestai symud iddo
Nid yw cofrestru Mynegiant o Ddiddordeb yn sicrhau lleoliad ac nid ydyw chwaith yn rhwymedigaeth i gynnal
Dylech ystyried:
Yr effaith y gall lletya ei gael ar eich cartref
Gwahaniaethau o ran iaith a diwylliant
Lefel y gefnogaeth y gallai fod ei angen ar westeion i ddechrau
Beth sy'n digwydd os bydd eich amgylchiadau'n newid
Mae cymorth a chyngor ar gael trwy gydol lleoliad
Gall lletywyr fod yn gymwys i gael taliad 'diolch' gwerth £350 bob mis, tra bod gwesteion yn parhau i fyw gyda nhw, neu os yw’r lletywr yn darparu llety mewn eiddo arall (eiddo ychwanegol). Yr awdurdod lleol sy'n gweinyddu'r taliad ac mae wedi’i gyfyngu i un taliad fesul aelwyd. Mae cymhwysedd yn dibynnu ar ganllawiau cenedlaethol a manylion y lleoliad.
Os ydych chi'n byw yn Nhorfaen o dan gynllun Cartrefi i Wcráin, gallwn helpu gyda’r canlynol:
Cofrestru gyda Meddyg teulu a chael mynediad at ofal iechyd
