Pam ddewison ni'r pryd hwn
Dewis ein Disgyblion
Yn rhoi cynnig ar y pryd hwn am y tro cyntaf? Byddem wrth ein bodd yn clywed eich barn!
Rhowch eich adborth i'r cogydd yn eich ysgol neu e-bostiwch louise.gillam@torfaen.gov.uk.
Mae eich barn yn helpu i lunio ein bwydlenni a'n ryseitiau yn y dyfodol, felly mae pob sylw yn cyfrif. Mae eich llais yn bwysig!
Dewis ein Dietegydd
Mae hwn yn ffefryn cinio ysgol go iawn, ac yn glasur cysurus sydd wedi dychwelwyd am ei fod mor boblogaidd. Mae tatws stwnsh, winwns melys a chaws Cymreig ysgafn yn cael eu cyfuno i greu pastai euraidd, foddhaol, flasus sy'n sicr o fod yn ffefryn gyda chenhedlaeth newydd o ddisgyblion.
Gyda llysiau cymysg a brocoli, mae'r pryd iachus hwn yn llawn blas a daioni. Mae'r llenwad tatws cawslyd yn rhoi egni i gadw'r disgyblion i fynd trwy gydol y prynhawn, tra bod y caws Cymreig yn cyfrannu calsiwm i gynnal esgyrn cryf a dannedd iach.
Cynnes, iach ac yn hyfryd o gysurus, mae'r pryd traddodiadol hwn yn brawf bod rhai ffefrynnau’ n boblogaidd bob amser.
Prydau Ysgol Cynaliadwy
Dewis Effaith Carbon Llai
Mae hwn yn ddewis bwydlen carbon is, a ddangosir gan symbol y glôb ar y fwydlen. Mae ôl troed carbon ein holl ryseitiau wedi'i asesu gan ddefnyddio methodoleg a ddatblygwyd gan ymchwilwyr ym Mhrifysgol Caeredin. Ar sail y dadansoddiad hwn, mae'r pryd hwn yn gysylltiedig â thua 80% yn is o allyriadau nwyon tŷ gwydr na'r opsiwn Pastai Datws Stwnsh sydd ar gael ar yr un diwrnod.
Mae dewis prydau carbon is yn un ffordd ymarferol o leihau effaith amgylcheddol bwyta bwyd, gan wneud hyn yn opsiwn gwych i ddisgyblion a theuluoedd sy'n chwilio am ddewisiadau bwyd mwy cynaliadwy.
Cefnogi Cynhyrchwyr Cymreig
Rydym yn defnyddio caws a llaeth wedi eu cynhyrchu yng Nghymru ar draws ein bwydlenni, gan gefnogi ffermwyr, busnesau Cymru a chyflogaeth o fewn y gadwyn gyflenwi bwyd ranbarthol. Mae cael cynhyrchion llaeth o Gymru'n cyfrannu at gadwyni cyflenwi byrrach a llai o bellteroedd cludo, tra'n cynnal safonau uchel o ansawdd, ffresni a'r gallu i olrhain.