Wedi ei bostio ar Dydd Gwener 8 Mai 2026
Bydd y gwaith i wella darn o ffordd Cwmbrân Drive yn dechrau’r penwythnos hwn fel rhan o raglen gwella ffyrdd y cyngor.
Bydd gwaith cyn clytio’n digwydd rhwng archfarchnad Sainsbury a Stadiwm Cwmbrân, a'r stadiwm a Pharc Llantarnam, ddydd Sul 10 Mai a dydd Sul 17 Mai, i atgyweirio wyneb y ffordd cyn trin yr wyneb ym mis Mehefin.
Bydd y ffordd ar gau yn ystod y gwaith, ond bydd y ffordd yn ailagor cyn gynted ag y bydd y gwaith wedi'i gwblhau.
Daw hyn ar ôl i 23 o ffyrdd gael micro-asffalt fis diwethaf, fel rhan o'r rhaglen fuddsoddi pum mlynedd, Ffyrdd Gwell.
Mae micro-asffalt yn fesur ataliol a ddefnyddir i ymestyn bywyd ffyrdd sy'n dangos arwyddion cynnar o ddirywiad.
Mae trin yr wyneb yn dechneg cynnal a chadw ataliol cost-effeithiol, cynaliadwy a chyflym sy'n ymestyn bywyd y ffordd 10-15 mlynedd, yn gwarchod arwynebau rhag difrod dŵr, ac yn gwella ymwrthedd sgid. Mae'n adfer gwead yr wyneb, yn gwella diogelwch, ac yn lleihau costau atgyweirio hirdymor o'i gymharu ag ailadeiladu llawn.
Bydd cyfnod arall o ail-wynebu ffyrdd ac atgyweiriadau ar raddfa fawr yn dechrau yn yr haf, gan ganolbwyntio ar ffyrdd mewn cyflwr gwaeth. Nodwyd ffyrdd trwy arolygiadau swyddogion ac arolygon ffyrdd dan arweiniad data.
Lansiwyd y rhaglen Ffyrdd Gwell gwerth £6.4m ym mis Awst 2025, a'r llynedd, cafodd 38 o ffyrdd eu hail-wynebu ochr yn ochr ag amserlen cynnal a chadw flynyddol y cyngor.
Mae'r gwaith yn cael ei ariannu gan £4m mewn buddsoddiad cyfalaf a £2.44m gan Lywodraeth Cymru.
Ym mis Mawrth, buddsoddwyd £100,000 ychwanegol ar gyfer gwaith atgyweirio ar raddfa fawr ar Varteg Road a Coed-y-Cric Road, yn Nhref Gruffydd.