Wedi ei bostio ar Dydd Gwener 24 Ebrill 2026
Mae menyw wedi cael gorchymyn i dalu dros £1,400 am fethu â chynorthwyo’r Cyngor gydag ymchwiliad i ddigwyddiad tipio anghyfreithlon.
Cafodd Mrs Linda Pring, 40, o Garndiffaith, ddirwy o £660, a gorchmynnwyd iddi dalu costau'r cyngor o £496.86 a gordal dioddefwr o £264 yn Llys Ynadon Cwmbrân.
Cafodd Mrs Pring ei herlyn am fethu â chydymffurfio â hysbysiad cyfreithiol a gyhoeddwyd o dan Adran 108 Deddf yr Amgylchedd 1995, a oedd yn ei gwneud yn ofynnol iddi gynorthwyo'r cyngor gyda'i ymholiadau yn dilyn digwyddiad tipio anghyfreithlon yng Nghwmbrân.
Dechreuodd yr ymchwiliad ar ôl i adroddiad gael ei dderbyn ym mis Awst 2025 ynglŷn â 10 bag o wastraff cartref wedi'u dipio ar dir yn Farm Lane, Tal-y-waun.
Cafwyd hyd i fanylion Mrs Pring ymhlith y gwastraff a gwnaeth swyddogion ymholiadau i weld sut ddigwyddodd y tipio anghyfreithlon, ond methodd ag ymateb.
Rhoddwyd hysbysiad cyfreithiol wedyn yn ei gwneud yn ofynnol iddi fynychu cyfweliad ffurfiol, ond methodd â chydymffurfio.
O ganlyniad, erlynwyd Mrs Pring am fethu â chydymffurfio â gofynion yr hysbysiad. Ni ddaeth i’r gwrandawiad yn Llys Ynadon Cwmbrân ddoe, a phrofwyd y drosedd yn ei habsenoldeb.
Dywedodd Daniel Morelli, Pennaeth Diogelu’r Cyhoedd a'r Amgylchedd: "Mae peidio â chydymffurfio â hysbysiad cyfreithiol o dan Adran 108 Deddf yr Amgylchedd 1995 yn drosedd.
"Byddwn yn defnyddio ein pwerau cyfreithiol lle bo hynny'n briodol i sicrhau bod ein swyddogion yn gallu cyflawni eu dyletswyddau i fynd i'r afael â thipio anghyfreithlon."
Gallwch ddweud am dipio anghyfreithlon trwy wefan y cyngor neu ap FyNhorfaen.