PN153 - Hysbysiad Preifatrwydd Trafnidiaeth i Deithwyr

Mae Cyngor Bwrdeistref Sirol Torfaen yn ymrwymo i amddiffyn eich preifatrwydd pan fyddwch yn defnyddio ein gwasanaethau. Bwriad yr Hysbysiad Preifatrwydd hwn yw rhoi gwybodaeth i chi am y data rydym yn ei gadw amdanoch, sut rydym yn ei ddefnyddio, eich hawliau mewn perthynas â hynny a’r rhagofalon sy’n bodoli i’w amddiffyn.

Maes Gwasanaeth CBST: Economi ac Amgylchedd
Maes gwaith: Uned Trafnidiaeth Integredig
Manylion Cyswllt: itu@torfaen.gov.uk
Enw Hysbysiad Preifatrwydd: Trafnidiaeth i Deithwyr

Rheolwr Data: Cyngor Bwrdeistref Sirol Torfaen, d/o Y Ganolfan Ddinesig, Pont-y-pŵl, NP4 6YB

Os hoffech fynegi pryder am y modd yr ymdrinnir â’ch data personol, cysylltwch â’r Swyddog Diogelu Data ar 01495 762200 neu dpa@torfaen.gov.uk

Rhoddir yr hysbysiad yma at ddibenion eglurder ynglŷn â pha wybodaeth y mae ei hangen ar y Cyngor er mwyn prosesu ceisiadau Trafnidiaeth o Gartref i’r Ysgol/Cytundebau trafnidiaeth Gofal Cymdeithasol. Mae angenrheidiol i’r Cyngor gasglu, storio a phrosesu gwybodaeth bersonol yn ymwneud â phobl sy’n ymgeisio. Mae’r Cyngor yn cyflwyno mesurau i warchod preifatrwydd unigolion trwy gydol y broses hon.

Pwy sy'n darparu eich data i'r Cyngor?

Mae'r wybodaeth bersonol rydyn ni'n ei phrosesu yn cael ei darparu i ni'n uniongyrchol gennych chi i brosesu ceisiadau Trafnidiaeth o Gartref i’r Ysgol ac i gymeradwyo staff i’w defnyddio gyda chytundebau trafnidiaeth

Rydym yn derbyn gwybodaeth bersonol yn anuniongyrchol, gan Ysgolion, ADY (Anghenion Dysgu Ychwanegol), Addysg, Addysg Bellach (colegau), Gweithredwyr a’r Adran Gwasanaethau Cymdeithasol.

Sut mae’r Cyngor yn casglu’r wybodaeth hon?

Rydym yn cael peth o’r wybodaeth yma’n uniongyrchol oddi wrthych chi, er enghraifft, systemau derbyniadau ysgol neu’r Adran ADY. Bydd gwybodaeth hefyd yn cael ei chasglu o’r ffurflen gais trafnidiaeth/staff neu drwy e-bost ble bydd cofnodion yn cael eu diweddaru.
I yrwyr a chynorthwywyr teithwyr, ceir y wybodaeth yma o broses y Gwasanaeth Datgelu a Gwahardd cyn iddyn nhw gael eu cymeradwyo i ymgymryd â gwasanaethau trafnidiaeth ar ran y Cyngor.
Efallai byddwn hefyd yn cael gwybodaeth gan ysgolion, colegau a sefydliadau gofal cymunedol, ac o Uned Cymorth Busnes y Cyngor.
Trwyddedu Tacsis (gyrwyr trwyddedig CBST yn unig).

Pa wybodaeth mae’r Cyngor yn ei chasglu amdanoch chi?

Mae’r Uned Trafnidiaeth Integredig yn casglu:

Manylion cyswllt, gan gynnwys enw, cyfeiriad, rhif ffôn a chyfeiriad e-bost.
I yrwyr a chynorthwywyr teithwyr, mae’r manylion hefyd yn cynnwys rhif tystysgrif y Gwasanaeth Datgelu a Gwahardd (GDG).
Manylion adnabod fel dyddiad geni.
Gwybodaeth arall mewn perthynas ag unrhyw anghenion arbennig sydd gan ddefnyddwyr y gwasanaeth, gan gynnwys plant, sy’n cael eu cludo, er mwyn galluogi darparu trafnidiaeth ddiogel ac addas.
Yr ysgol, coleg neu sefydliad gofal cymdeithasol y mae trafnidiaeth yn cael ei ddarparu ato.
Llun pasbort ble mae gofyn.

Mae gan rai cerbydau TCC, nodwch os gwelwch yn dda bod hyn yn cael ei weithredu a’i brosesu gan y gweithredwyr trafnidiaeth.

Pam fod y Cyngor yn prosesu eich data personol?

O dan Erthygl 6 o Reoliad Diogelu Data Cyffredinol y DU (GDPR), y sail gyfreithlon rydym yn dibynnu arni ar gyfer prosesu’r wybodaeth hon yw:

(e) Rydyn ni ei hangen i gyflawni tasg gyhoeddus.

Mae angen y wybodaeth yma ar y Cyngor er mwyn cyflawni ei ddyletswyddau o dan:

Y Ddeddf Addysg (Darpariaethau Amrywiol) 1996
Deddf Trafnidiaeth 1985
Mesur Teithio gan Ddysgwyr (Cymru) 2008
Rheoliadau Gwybodaeth am Deithio gan Ddysgwyr (Cymru) 2009
Mesur Diogelwch ar Gludiant i Ddysgwyr (Cymru) 2011
Darpariaeth Statudol a Chanllawiau Gweithredol Teithio gan Ddysgwyr 2014
Canllawiau Statudol Cod Ymddygiad Teithio 2009
Cod Ymarfer Anghenion Addysgol Arbennig 2002
Y Ddeddf Anghenion Addysgol Arbennig ac Anabledd 2002

Categorïau Arbennig o ddata personol

Rydym yn casglu’r data categori arbennig canlynol:

data personol yn datgelu credoau crefyddol neu athronyddol
data sy’n ymwneud ag iechyd

Rydym yn casglu hyn o dan Erthygl 9 GDPR y DU.

Pan fyddwn yn casglu data troseddol, bydd hyn yn cael ei brosesu o fewn y Cyngor o dan Erthygl 10 GDPR y DU. I yrwyr a chynorthwywyr teithwyr, ceir y wybodaeth yma o broses y Gwasanaeth Datgelu a Gwahardd cyn iddyn nhw gael eu cymeradwyo i ymgymryd â gwasanaethau trafnidiaeth ar ran y Cyngor.

Pwy sydd yn cael defnyddio’ch data?

Bydd eich data’n cael ei rannu’n fewnol yn unig gyda’r staff priodol lle mae’n angenrheidiol ar gyfer perfformiad eu rolau.

Efallai y bydd eich data hefyd yn cael ei rannu’n allanol gyda sefydliadau er mwyn galluogi’r Cyngor i brosesu eich cais a chydymffurfio â’n rhwymedigaethau cyfreithiol, byddwn yn rhannu eich gwybodaeth gyda sefydliadau partner. Gallai’r rhain gynnwys, ond heb fod yn gyfyngedig i:

Yr Adran Addysg
Yr Adran Ddiogelu
Yr Uned Cymorth Busnes
Cwmnïau Tacsis a Bysiau sy’n ymgymryd â chytundebau Cartref i’r Ysgol/Gofal Cymdeithasol
Ysgolion

Ar wahân i’r hyn a nodwyd yn flaenorol, nid ydym yn trosglwyddo eich manylion i drydydd partïon oni bai bod gofynion cyfreithlon i wneud hynny.

Ydy’r Data’n cael ei drosglwyddo y tu allan i’r DU?

Sut mae’r Cyngor yn cadw eich data’n ddiogel?

Mae gan y Cyngor bolisïau mewnol ar waith i sicrhau nad yw’r data y mae’n ei broses yn cael ei golli, ei ddinistrio, ei gamddefnyddio na’i ddatgelu’n ddamweiniol. Cyfyngir ar fynediad i’r data hwn yn unol â pholisïau mewnol y Cyngor ac yn unol â GDPR y DU.

Bydd data’n cael ei storio’n ddiogel yn:

System ffeilio electronig diogel

Pan fo'r Cyngor yn cyflogi trydydd partïon i brosesu data personol ar ei ran, maen nhw’n gwneud hynny ar sail cyfarwyddiadau ysgrifenedig. Mae gan y trydydd partïon yma ddyletswydd cyfrinachedd hefyd ac mae’n rhaid iddyn nhw weithredu mesurau priodol i sicrhau diogelwch data.

Am ba mor hir mae’r Cyngor yn cadw eich data?

Dim ond am y cyfnod sy'n angenrheidiol y bydd y Cyngor yn cadw eich data personol a bydd yn dilyn safonau sefydliadol a safonau’r Awdurdod Lleol yn y maes hwn. Ar ddiwedd y cyfnod cadw bydd y Cyngor yn dinistrio neu'n gwaredu'r data yn ddiogel yn unol ag amserlenni cadw.

Hyd at 7 mlynedd

Ydyn ni’n gwneud penderfyniadau awtomataidd/yn proffilio gyda’ch data?

Eich hawliau

Mae gennych nifer o hawliau y gallwch eu harfer:

Mynediad - cael copi o’ch data ar gais
Cywiriad - mynnu bod y Cyngor yn newid data anghywir neu anghyflawn
Gwrthwynebu, Cyfyngu neu Ddileu - mewn rhai amgylchiadau penodol gallwch ofyn i’r Cyngor ddileu neu beidio â phrosesu eich data, er enghraifft os nad yw’r data bellach yn angenrheidiol at ddibenion prosesu
Hygludedd data – cael derbyn a/neu drosglwyddo data a roddwyd i’r Cyngor i sefydliadau eraill (mae hyn yn berthnasol mewn amgylchiadau cyfyngedig)
Tynnu’ch caniatâd yn ôl ar unrhyw adeg (ble rhoddwyd caniatâd)
Gwybod canlyniadau eich bod yn methu â darparu data i’r Cyngor
Gwybod am fodolaeth unrhyw benderfyniadau awtomataidd, gan gynnwys proffilio a goblygiadau hyn i chi.
Hawl i gyflwyno cwyn i awdurdod goruchwylio (Swyddfa’r Comisiynydd Gwybodaeth)

Os hoffech arfer unrhyw un o’r hawliau yma, cysylltwch os gwelwch yn dda â: Damien Weeks, Economi ac Amgylchedd, Tŷ Blaen Torfaen, Panteg Way, Y Dafarn Newydd, Pont-y-pŵl NP4 0LS, itu@torfaen.gov.uk

Gellir cysylltu â’r Comisiynydd Gwybodaeth yn: Swyddfa’r Comisiynydd Gwybodaeth (Cymru), 2^il Lawr, Tŷ Churchill, Ffordd Churchill, Caerdydd CF10 2HH, Ffôn 0330 414 6421 neu e-bost at Wales@ico.org.uk.

Diwygiwyd Diwethaf: 09/11/2023 Nôl i’r Brig