Barod ar gyfer y newidiadau diweddaraf i Gredyd Cynhwysol?

Ymhen llai nag wythnos, bydd y cynnydd o £20 yr wythnos a gyflwynwyd yn ôl ym mis Mawrth 2020 yng ngoleuni pandemig Covid-19 i'r rheini sy'n hawlio Credyd Cynhwysol, yn cael ei ddileu.

Ydych chi’n barod am y newid hwn?

Er mwyn eich helpu i gynllunio'ch cyllid o Hydref 2021 heb y cynnydd wythnosol o £20, rydym wedi nodi isod faint yn llai y gallai eich taliad misol fod.

Bydd lwfans safonol Credyd Cynhwysol bob mis calendr yn newid fel a ganlyn o dan y senarios categori talu canlyno:

• Bydd taliad 2021 ar gyfer y rheini sy'n sengl a dan 25 oed - yn gostwng o £344 i £257.33
• Bydd taliad 2021 ar gyfer y rheini sy'n sengl a 25 oed neu'n hŷn - yn gostwng o £411.51 i £324.84
• Bydd taliad 2021 ar gyfer cwpl sydd ill dau o dan 25 oed - yn gostwng o £490.60 i £403.93 (cyfanswm yw hynny nid swm i bob person)
• Bydd taliad 2021 ar gyfer cwpl sy'n 25 oed neu'n hŷn - yn gostwng o £596.58 i £509.91 (cyfanswm yw hynny nid swm i bob person)

Gall symiau amrywio ychydig pan fydd y gostyngiad yn cychwyn.

Os yw’r newid yn effeithio arnoch, dyma beth allwch chi wneud nawr i’ch helpu i baratoi ar ei gyfer.

• Gwiriwch eich cyfnodolyn credyd cyffredinol i weld faint fydd eich budd-dal yn gostwng a phryd.
• Cysylltwch â thimau cyflogaeth a sgiliau Torfaen. Gall eu rhaglenni eich helpu i reoli bywyd heb y cynnydd o £20 yr wythnos mewn Credyd Cynhwysol.
• Tanysgrifiwch i e-fwletin Cyflogaeth a Sgiliau Torfaen i gael yr hyfforddiant diweddaraf, newyddion am gymorth gyda swyddi chyfleoedd gwaith. 
• Tanysgrifiwch i e-fwletin Torfaen Clyfar a Chynnil i dderbyn y wybodaeth ddiweddaraf ynghylch cymorth a chyngor ar fudd-daliadau a materion ariannol. 
• Beth am bori drwy ein tudalennau Cyngor ar Fudd-daliadau a Materion Ariannol ar y wefan. Mae’n cynnwys cyfeiriadur o’r gwasanaethau cymorth diweddaraf gan Dorfaen ac asiantaethau sy’n bartneriaid. 
• Cofrestrwch ar Fy Nhorfaen ar wefan neu ap Torfaen. Dyma ble y gallwch weld a ydych yn gymwys i dderbyn budd-daliadau eraill, unrhyw adeg o’r dydd.

Os ydych chi’n ddi-waith:

• Ydych chi wedi ystyried dychwelyd i'r gwaith?
• Ydych chi'n gwybod ble i fynd am help?
• A oes gennych y sgiliau diweddaraf neu a oes angen eu hadnewyddu?
• Ydych chi'n gwybod pa swyddi sydd ar gael yn yr ardal leol?

Os ydych chi’n gweithio:

• Ydych chi wedi ystyried gweithio mwy o oriau?
• A fydd gweithio mwy o oriau yn golygu eich bod yn talu am ofal plant?
• Ydych chi'n gwybod ble i fynd am help?
• Ydych chi wedi ystyried newid i yrfa sy'n talu mwy?

Gallwch gysylltu â chynghorydd cyflogaeth a sgiliau profiadol i ddechrau edrych ar ffyrdd o gynyddu eich incwm i'r eithaf.

Llenwch y ffurflen hon neu ffoniwch 01633 647647