Grant Cymorth Tai

Mae’r Grant Cymorth Tai yn rhaglen a ariennir gan y llywodraeth. Mae’n defnyddio dulliau ymyrraeth gynnar i atal digartrefedd, sefydlogi sefyllfa unigolyn o ran ei gartref, a’i annog i fyw’n annibynnol.

Mae’r Grant Cymorth Tai yn Nhorfaen yn ariannu, yn monitro ac yn datblygu tai â chymorth a gwasanaethau cymorth tai. Mae’r cymorth ar gael yn rhad ac am ddim i drigolion Torfaen a gall gefnogi unigolion am hyd at 2 flynedd.

Beth yw Cymorth Fel y Bo’r Angen?

Mae Cymorth Fel y Bo’r Angen yn gymorth pwrpasol un i un a ddarperir gan y gwasanaethau cymorth lleol.  Mae’r cymorth yn mynd i’r afael â phroblemau unigolion o ran eu cartref ac unrhyw gymorth arall sydd ei angen a allai effeithio ar eu sefyllfa o ran eu cartref. 

Enghraifft o gymorth:

• sefydlu/cynnal tenantiaeth
• rheoli rhent/talu biliau
• iechyd meddwl
• help gyda phroblemau arian a hawlio budd-daliadau
• cymorth arbenigol i bobl ifanc 16-24 oed
• trais domestig
• salwch/anabledd
• dibyniaeth ar alcohol neu gyffuriau
• llenwi ffurflenni
• cymorth emosiynol
• help i gael mynediad at addysg, hyfforddiant neu waith

Beth yw Llety â Chymorth?

Llety â chymorth yw llety lle mae’r tenant yn cael cymorth sy’n gysylltiedig â’i lety, felly’n ei gefnogi i ennill y sgiliau i fyw'n annibynnol a chynnal ei denantiaeth ei hun.

Sut i gael cymorth

Gateway

• Os ydych chi’n chwilio am gymorth, gallwch gysylltu â Thîm Gateway fydd yn eich helpu i ddod o hyd i’r cymorth fwyaf addas i’ch amgylchiadau, drwy lenwi ffurflen atgyfeirio gyda chi.
• Gellir cysylltu â Thîm Gateway ar 01495 766949 neu drwy e-bost gateway@torfaen.gov.uk.

Cymorth Tai – Galw Heibio

Os oes angen cymorth neu gyngor arnoch ar frys, gall y cymorthfeydd galw heibio canlynol eich helpu. Nid oes angen gwneud apwyntiad, gallwch alw heibio ar y dydd.