COVID 19 - Coronafirws
Mae COVID-19 yn salwch newydd a all effeithio ar eich ysgyfaint a’ch llwybrau anadlu. Firws o’r enw Coronafirws sy’n ei achosi.
Mae'r cyngor am y Coronafirws yn cael ei ddiweddaru'n ddyddiol gan y Llywodraeth. Dylai unrhyw un sydd â phryderon ddarllen y wybodaeth sydd ar gael ar y gwefannau a ganlyn: Iechyd Cyhoeddus Cymru, Iechyd Cyhoeddus Lloegr, Llywodraeth Cymru, gov.uk ac GIG
Mae’r sefyllfa’n parhau i fod yn ddeinamig iawn, ond ein cyngor yw dal ati i ymweld â gwefan Iechyd Cyhoeddus Cymru i ddarllen y wybodaeth ddiweddaraf a’r cyfarwyddyd i aros gartref i’r bobl hynny y cadarnhawyd bod ganddynt haint neu’r posibilrwydd y bod haint Coronafirws (COVID-19) arnynt.
Mae Deddfwriaeth Coronafirws ac arweiniad ar y gyfraith ar gael ar gov.wales.
Bydd unrhyw aflonyddu ar wasanaethau’r cyngor o ganlyniad Coronafirws (COVID-19) yn cael ei ddiweddaru yma fel y bo’n briodol. Dewiswch yr adran berthnasol isod i gael mwy o fanylion:
Biniau ac Ailgylchu
Genedigaethau, Marwolaethau a Seremonïau
Busnes ac Economi
Treth y Cyngor a Budd-daliadau
Canolfannau Cwsmeriaid a Thaliadau
Addysg a Dysgu
Cyflogaeth a Sgiliau
Tai
Hamdden, Parciau a Digwyddiadau
Llyfrgelloedd
Trwyddedu a Safonau Masnach
Cynllunio a Datblygu
Ffyrdd, Teithio a Pharcio
Gofal Cymdeithasol
Sefydliadau Lleol Eraill
Profion Llif Unffordd Covid-19
Cynigir profion asymptomatig rheolaidd am ddim nawr i bobl na allant weithio o gartref, ac aelodau eu haelwydydd.
Gallwch gasglu pecynnau hunan-brawf ym Maes Parcio’r Hen Felin, Pont-y-pŵl, rhwng 8am ac 1pm yn ddyddiol.
Mae gwybodaeth bellach am Brofion Llif Unffordd COVID-19 ar gael yma.
Diweddariadau Wythnosol BIPAB am y Brechlyn
Mae Bwrdd Iechyd Prifysgol Aneurin Bevan yn cyhoeddi diweddariadau wythnosol am y brechlyn sy'n cynnwys gwybodaeth am ei gyflwyno ar draws Gwent. Mae copïau ar gael ar dudalen Diweddariad Wythnosol BIPAB am y Brechlyn.
Taliadau Hunan-ynysu
Os yw Gwasanaeth Profi, Olrhain a Diogelu GIG Cymru wedi cysylltu â chi a dweud wrthych am hunan-ynysu, efallai y bydd gennych hawl i gymorth ariannol. Gwnewch gais am Daliad Hunan-ynysut yma.
Os gofynnwyd i'ch plentyn hunan-ynysu a'ch bod wedi cael effaith ariannol o ganlyniad i chi orfod gofalu amdano, efallai y bydd gennych hawl hefyd i gael cymorth ariannol. Gwnewch gais am Daliad Hunan-ynysu (i Rieni/Gofalwyr) yma.
Cymorth Cymunedol Torfaen
Mae Hwb Cymorth Cymunedol Torfaen yn rhan o ymateb y cyngor i Gynllun Gwarchod y Llywodraeth a'i strategaeth Profi, Olrhain a Diogelu er mwyn diogelu ein trigolion mwyaf bregus.
Gall gwirfoddolwyr a'r rhai sydd angen cefnogaeth ymuno â'r cynllun trwy lawr lwytho ein Hap Cymorth Cymunedol a darparu rhywfaint o wybodaeth sylfaenol, a fydd yn cael ei storio'n ddiogel a'i rheoli.
Bydd trigolion sy'n cofrestru ar yr ap i gael cymorth yn gallu gofyn am:
- Gasglu meddyginiaeth
- Rhywun i sgwrsio â nhw i helpu i drechu unigrwydd a’r arwahanu
Mi fydd staff ar gael i helpu i gyrchu cymorth a chefnogaeth lle bo hynny’n bosibl a sicrhau bod pobl yn medru cysylltu ag asiantaethau a all helpu.
Dysgwch mwy am Gymorth Cymunedol Torfaen yma.
Gwasanaeth Olrhain Cysylltiadau Gwent
Mewn ymateb i strategaeth Profi, Olrhain, Amddiffyn Llywodraeth Cymru, mae partneriaid gan gynnwys Iechyd Cyhoeddus Cymru, Bwrdd Iechyd Prifysgol Aneurin Bevan, a’r pum Awdurdod Lleol yng Ngwent wedi ymuno i sefydlu Gwasanaeth Olrhain Cysylltiadau Gwent a fydd yn mynd yn fyw ar ddydd Llun 1 Mehefin.
Mae'r gwasanaeth newydd yn galluogi partneriaid i dracio ac olrhain unrhyw achosion Coronafirws newydd sy'n dod i'r amlwg. Gall darganfod lleoliad y rheini sydd wedi dod i gysylltiad â rhywun sy'n dangos symptomau Coronafirws helpu i leihau lledaeniad y firws.
Darganfyddwch mwy am Wasanaeth Olrhain Cysylltiadau Gwent.
Grantiau
Mae nifer o grantiau ar gael i helpu gydag effeithiau COVID-19. Gallwch weld y rhestr o grantiau i helpu gydag effeithiau COVID-19 yma.
Ap Olrhain Symptomau Coronafirws
Helpwch ni i frwydro’r coronafirws drwy nodi eich iechyd yn ddyddiol, hyd yn oed os ydych chi’n teimlo’n iach, ar ap olrhain symptomau coronafirws Llywodraeth Cymru. Mae’r ap ar gael i’w lawr lwytho o Apple Store, Google Play Store a thrwy ddilyn y dolenni ar covid.joinzoe.com
Trefniadau aml asiantaeth
Mae Cyngor Torfaen nawr yn gweithio’n rhan o Fforwm Lleol Cymru Gydnerth Gwent (GLRF) a hynny’n rhan o strategaeth eang y Llywodraeth, Llywodraeth Cymru a’r GIG, mewn ymateb i COVID-19. Dysgwch mwy am y trefniadau aml asiantaeth yma.
Mae eich cefnogaeth yn hanfodol
Mae Llywodraeth Cymru wedi gofyn i ni gyd Gadw Cymru’n Ddiogel:
- gadw at y rheolau cadw pellter cymdeithasol â phobl sydd ddim yn byw gyda chi neu sydd ddim yn rhan o’ch aelwyd estynedig chi
- gwisgo gorchudd wyneb (os ydych yn gallu) ym mhob lle cyhoeddus dan do
- peidio â ffurfio aelwyd estynedig gyda mwy na 2 aelwyd arall. Peidiwch â’u newid
- peidio â chwrdd ag unrhyw un sydd ddim yn rhan o’ch aelwyd estynedig o dan do
- peidio â chwrdd â mwy na 5 o bobl eraill mewn lleoliadau a reoleiddir o dan do, fel caffis, tai bwyta a thafarndai (oni bai eich bod yn cwrdd â phobl rydych chi’n byw gyda nhw neu fel rhan o gynulliad a reoleiddir, sy’n caniatáu 30 o bobl ar y mwyaf, yn unig)
- peidio â chwrdd â mwy na 29 o bobl eraill yn yr awyr agored gan gynnwys mewn gerddi preifat, mannau cyhoeddus a lleoliadau a reoleiddir fel caffis, tai bwyta a thafarndai
- gweithio gartre os medrwch
- cyfyngu i’r eithaf ar deithio i ardal sydd â llawer o achosion